Регион
Турски шпионски авиони десетици пати го нарушиле грчкиот воздушен простор
![](https://makfax.com.mk/wp-content/uploads/2020/08/13-avioni.png)
Тензиите меѓу Турција и Грција остануваат на високо ниво, при што турскиот режим наводно континуирано го нарушувал грчкиот воздушен простор неделава со авионите „СН-235“. Грција ја обвини Турција за 45 прекршувања на грчкиот воздушен простор во вторникот, од кои 35 се вели дека биле спроведени од шпионски авиони „СН-235“, кои летале северноисточно, централно и јужно од Егејското Море.
Според извештајот на грчкиот весник „Прото тема“, во најмалку три случаи грчки борбени авиони успеале да ги пресретнат турските авиони.
Грција и Турција и понатаму имаат проблематични односи бидејќи турскиот истражувачки брод „Оруч реис“ останува на Медитеранот, придружуван од 10-ина турски поморски воени бродови. Бродот спроведува сеизмичко истражување во облас во Средоземното Море за која Грција тврди дека е дел од грчката ексклузивна економска зона (ЕЕЗ).
Во средата турскиот министер за одбрана, Хулуси Акар, нагласи дека владата на претседателот Реџеп Таип Ердоган сака да се реши спорот во Медитеранот преку дијалог.
„И покрај сето ова, сакаме да веруваме дека ќе преовлада здравиот разум. И на терен и на маса, ние сме за меѓународното право, добрососедството и дијалогот. Ние сакаме да постигнеме политички решенија преку мирни средства во согласност со меѓународните закони“, рече Акар.
Во исто време, турското Министерство за надворешни работи ја обвини Грција за кршење на правата на турското малцинство во регионот Тракија поради затворањето на училиштата за што Грците тврдат дека е поради недостиг од ученици.
„Оваа практика на Грција е дел од политиката на асимилација и угнетување што се применува со децении против турското малцинство на Западна Тракија“, велат од Министерството.
Тие тврдат и дека Грците го прекршиле Договорот од Лозана со кој завршила војната меѓу двете земји во 1923 година.
Грчката влада строго одговори на овие обвиненија велејќи: „Парадоксално е, ако не и смешно, Турција да ѝ каже на Грција за потребата да ги почитува малцинските права. Историјата засекогаш ќе остане најобјективен сведок на систематската елиминација во Турција на сите малцинства на нејзината територија во текот на 20 век“.
„Патем, во Цариград (Истанбул) во 1955 година имало 54 грчки основни училишта, а денес само три. Дали турското раководство знае зошто?“, додаваат тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.