Регион
Турција го критикува договорот меѓу кипарските Грци и САД
Меморандумот за разбирање потпишан неделава меѓу администрацијата на САД и кипарските Грци ќе им наштети на напорите за решавање на кипарското прашање наместо да придонесе за мирот и стабилноста, соопшти Министерството за надворешни работи на Турција, пренесува „Анадолија“.
„Меморандумот потпишан меѓу администрацијата на САД и кипарските Грци на 12 септември 2020 година предвидува формирање центар за безбедност на копно, отворено море и пристаниште во администрацијата на кипарските Грци и ја игнорира страната на кипарските Турци“, рече портпаролот на турското МНР, Хами Аксој.
Чекорите преземени од САД за укинување на ембаргото за оружје на кипарските Грци и вклучување на грчката страна во својата програма за меѓународно воено образование и обука (ИМЕТ) ја нарушуваат рамнотежата помеѓу двата народа на островот и ги зголемуваат тензиите во источен Медитеран, смета Аксој.
„Во овој поглед зачудувачки е што американскиот државен секретар, Мајк Помпео, не се состана со кипарските Турци за време на својата посета на островот. Ги повикуваме САД да се вратат на својата традиционална политика на неутралност во врска со островот и да придонесат во напорите за решавање на кипарското прашање“, истакна тој.
На 1 септември САД делумно го укинаа ембаргото за вооружување на администрацијата на кипарските Грци, а Помпео во јули објави дека САД ја вклучиле администрацијата на кипарските Грци на Јужен Кипар во својата програма за воена обука за 2020 година.
По насилната поделба на островот Кипар од страна на кипарските Грци во 1963 година, кипарските Турци страдаа под кампања на етничко насилство. Во 1974 година, по државниот удар насочен кон присоединување на Кипар кон Грција, Анкара мораше да интервенира како гарант. Во 1983 година е основана Турската Република Северен Кипар (ТРСК).
Со децении се водеа разговори за решавање на спорот, но сето тоа заврши без успех. Најновата рунда разговори, одржана со учество на земјите гаранти – Турција, Грција и Велика Британија – заврши во 2017 година во Швајцарија.
Во 2004 година планот на тогашниот генерален секретар на ОН, Кофи Анан, за решение беше прифатен од кипарските Турци, но беше одбиен од кипарските Грци на референдумите одржани на двете страни на островот. Во неодамнешниот извешта, генералниот секретар на ОН, Антонио Гутереш, рече дека можеби ќе бидат потребни нови идеи за решавање на прашањето на Кипар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Чамец со туристи потона во Бледското езеро во Словенија
На езерото Блед во Словенија, кое секоја година го посетуваат голем број посетители од просторот на поранешна Југославија и околните земји, вчера за малку ќе се случеше трагедија кога, според словенечките медиуми, потона чамец со четворица туристи.
За среќа, тие биле спасени од смрт со брзата реакција на пожарникарите и нуркачите.
„Во 11 часот и 20 минути потона туристички чамец со четворица туристи на Бледското езеро кај вилата Златорог во Блед“, соопшти полицијата на Горење, а јави познатиот словенечки портал siol.net.
Регион
„Ќе поведеме соодветни мерки“ – српското министерство за смртта на осомничениот за убиството на малата Данка
Министерството за внатрешни работи на Србија се огласи за наводите повзарни со смртта на осомничениот во случајот со убиството на малата Данка, а во објавеното соопштение наведуваат како полицајците се однесувале кон него.
„Припадниците на Министерството за внатрешни работи, Сектор за внатрешна контрола, по наредба на Вишото јавно обвинителство прибираат информации и ги утврдуваат фактите и околностите под кои во Полициската управа во Бор почина Д.Д. осомничен во случајот со убиството на малата Данка. Полициските службеници за време на постапката, постапуваат во целосност и во согласност со законите и своите овластувања“, се наведува во соопштението.
Тие исто така забележуваат дека секој што придонел за смртта на осомничениот ќе биде кривично гонет.
„Доколку се утврди дека имало злоупотреби и пречекорувања на овластувањата при постапување со починатиот Д.Д., Секторот за внатрешна контрола ќе поведе соодветни законски мерки против лицата кои го прекршиле законот и полициската етика, а за тоа јавноста ќе биде информирана навремено“, се додава.
Осомничениот Далибор Драгијевиќ (40) од Бор, кому му беше одреден притвор до 48 часа поради сомнение дека му помагал на Дејан Драгијевиќ (50), осомничен за тешкото убиство на двегодишната Данка Илиќ по криминал, почина на 7 април во Полициското одделение во Бор.
Според официјалното полициско соопштение, Далибор починал во притвор како последица на срцев удар.
Далибор Драгијевиќ беше уапсен на 6 април, заедно со неговиот татко Радослав, под сомнение дека му помагале на својот брат Дејан да го премести телото на убиената Данка Илиќ.
Далибор пред смртта признал дека му помогнал на својот брат Дејан да се ослободи од телото на Данка Илиќ. Тој ја водеше полицијата на неколку локации, но телото на Данка Илиќ не беше пронајдено на ниту една од нив.
Ненадејната смрт на братот на убиецот може да влијае на истрагата, бидејќи тој беше еден од трите клучни луѓе кои можеа да и помогнат на полицијата во потрагата по телото на Данка.
Регион
Србија испраќа хуманитарна помош за Палестинците: Денеска и утре летаат авиони со стока наменета за загрозените во Појасот Газа
Владата на Србија соопшти дека го усвоила Заклучокот за испраќање хуманитарна помош во стока за Палестина, како форма на помош за ранливото население поради критичната хуманитарна ситуација во Појасот Газа.
Хуманитарната помош се дава во вид на храна, вода, медицинска опрема, како и шатори за сместување на семејствата, а вкупната вредност на робата е близу три милиони евра, со тежина од околу 900 тони.
Едниот авион денеска ќе ја земе помошта, а другиот утре, се наведува во соопштението и се додава дека „никој не може да процени“ кога оваа стока ќе стигне до жителите на Газа, со оглед на сложеноста на ситуацијата. Остатокот од хуманитарната помош во неколку наврати ќе биде транспортиран со бродови.
Владата се согласи со предлогот на Министерството за надворешни работи да одговори на повикот на специјализираната агенција на Обединетите нации за образование, наука и култура (УНЕСКО) за обезбедување финансиска поддршка на Програмата за итна помош на Газа, со уплата на средства во износ од 10.000 евра.