Во последните 24 часа во Србија биле тестирани 10.638 лица на коронавирус, од кои 1.709 биле позитивни, а починале 19.

Според најновите податоци на Министерството за здравство и Институтот „Батут“, 161 пациент се приклучени на апарати за дишење во болниците во Србија.

Досегашни корона-рекорди се: најмногу позитивни за еден ден – 7.999, најмногу луѓе на апарати за дишење – 353, најмногу тестирани – 22 837 и најмногу починати – 69.

Руското Министерство за надворешни работи реагира по одлуката на Албанија да го протера рускиот дипломат Алексеј Кривошев поради непочитување на мерките против коронавирусот.

Министерството наведува дека таквиот потег нема да остане без одговор.

Во изјава за „РИА новости“, рускиот заменик-министер за надворешни работи, Александар Грушко, одлуката на албанските власти ја нарече провокација.

„Ова е јасна провокација насочена кон влошување на руско-албанските односи и секако таквиот потег, кој не е пријателски, нема да остане без одговор“, рече Грушко.

Албанија го прогласи рускиот дипломат Алексеј Кривошев за персона нон грата во четвртокот и му нареди да ја напушти земјата во рок од 72 часа по поднесувањето на официјалното известување.

Одлуката на владата на Албанија се однесува на фактот дека рускиот дипломат во неколку наврати не ги почитуваше мерките воведени од властите за да се заштитат од Ковид-19.

Актерот и режисер Раде Шербеџија зборуваше за смртта на легендарната Мира Фурлан и откри дека актерката долго време била неизлечливо болна и во кома.

„Често бев во контакт со Мира Фурлан. Кога се вратив од Америка, тогаш поретко, но додека живеев во истиот град, Лос Анџелес, често се гледавме и се дружевме. Што да кажам. Не сум ја видел долго време. Таа долго време беше тешко и неизлечливо болна. Беше во кома. Во тоа време секоја врска со неа беше прекината. Но, на сите ни остана во срце бидејќи Мира Фурлан, сигурен сум, беше една од најубавите актерки во поранешна Југославија“, рече Шербеџија.

Тој се присети на моментот кога го отворале театарот во 2001 година и претставата „Кралот Лир“.

„Ленка и јас ја поканивме да ја глуми Луда, но таа не се осмелуваше да дојде. Беше воодушевена, но не се осмелуваше. Беше премногу ранета бидејќи како вистинска херојка таа беше и трагичар во приватниот живот“, рече Шербеџија.