Регион
Црногорците и Албанците ја објавија причината за историскиот прекин на струја
![](https://makfax.com.mk/wp-content/uploads/2024/06/Screenshot-2024-06-21-184054.jpg)
Историски прекин на струја ги погоди денеска Црна Гора, Босна и Херцеговина, Албанија и поголемиот дел од хрватското крајбрежје. Бизнисите мораа да ги затворат вратите, семафорите не работеа, а луѓето останаа без клима среде топлотен бран.
Како што јави Ројтерс, црногорскиот министер за енергетика изјавил дека прекинот е предизвикан од наглото зголемување на потрошувачката на струја поради високите температури, но и од самата топлина. Системите за дистрибуција на електрична енергија се поврзани во земјите ширум Балканот, потсетува Ројтерс.
„Дефектот настана како резултат на големо оптоварување на мрежата, нагло зголемување на потрошувачката на електрична енергија поради високата температура и самите високи температури“, изјави црногорскиот министер за енергетика Саша Мујовиќ во телевизиски пренос.
Напојување, а на некои места и интернет, снема околу 12:30 часот, според Ројтерс, додавајќи дека операторите на електроенергетските системи на балканските држави рекле дека почнале да го обновуваат снабдувањето до средината на попладневните часови.
Сообраќајот е запрен во Сараево, Бања Лука и Мостар, јавија новинарите на Ројтерс, додека температурите во делови од регионот достигнаа 40 степени Целзиусови.
Многу луѓе останаа без вода во Подгорица бидејќи пумпите престанаа да работат, известија мештаните. Клима уредите беа исклучени, а сладоледот се топеше во продавниците.
Сообраќаен колапс е забележан и во Сплит, каде одекнале сирени за брза помош. Експертите се уште се обидуваат да утврдат од каде започнал дефектот.
Што велат Албанците? „Големи количини на енергија во системот и многу високи температури“
Албанската министерка за енергетика Белинда Балуку изјави дека има дефект на интерконекторот меѓу Албанија и Грција и дека слушнала за слични околности во Црна Гора и делови од Хрватска и Босна и Херцеговина.
За целосна истрага ќе биде потребно време, но раните анализи сугерираат дека „големите количини на енергија во системот за пренос и многу високите температури го создадоа овој технички проблем“, додаде Балуку во видео-обраќање.
Напојувањето беше вратено во Албанија во рок од половина час, но земјата и понатаму е изложена на висок ризик од дополнителни прекини, бидејќи потрошувачката на струја и нивото на топлина остануваат високи, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Бугарскиот парламент го отфрли предлогот за формирање нова коалициска влада
![](https://makfax.com.mk/wp-content/uploads/2024/07/bugarski-parlament.jpg)
Бугарскиот парламент го отфрли предлогот за формирање нова влада, предложен од централнодесничарската партија ГЕРБ, што најверојатно ќе ја доближи земјата до нови избори, седми во последните три години.
Партијата ГЕРБ, која заврши на првото место на изборите во јуни, има 68 пратеници во Националното собрание со вкупно 240 места и затоа мораше да се обиде да создаде коалиција за составот на новиот кабинет.
Таа го избра Росен Жељазков, актуелниот претседател на парламентот, да ја води новата влада наместо нејзиниот лидер Бојко Борисов, кој претходно водеше три влади меѓу 2009 и 2021 година, кога неговиот трет кабинет поднесе оставка по големите антикорупциски протести.
Иако Борисов се обиде да најде коалициски партнери во други помали партии, тој не успеа да обезбеди доволна поддршка.
Претседателот на државата следниот мандат за формирање влада сега ќе го предаде на второто место на изборите – партијата МРФ.
Аналитичарите прогнозираат дека по неуспехот на првото гласање ќе биде тешко да се формира одржлива коалиција во овој парламент и дека најверојатната опција е одржување нови избори, кои само ќе ја продлабочат политичката криза во најсиромашната земја-членка на ЕУ.
Регион
(Видео) Катаклизма во Црна Гора: Двајца загинати, невремето урна мостови од 400 тони
![](https://makfax.com.mk/wp-content/uploads/2024/07/nevreme-region.jpg)
Невреме кое пред два дена ја погоди Србија, го зафати целиот балкански регион, а после Хрватска се пресели во Црна Гора, каде остави немерливи последици во однос на остатокот од регионот.
View this post on Instagram
Најсилен интензитет е почувствуван на крајбрежјето, односно пристаништата Бар, Будва, Котор и Улцињ, каде како последица на бурните ветрови пропратени со обилни врнежи и грмежи, евидентирана е голема материјална штета, како и два загинати животи.
View this post on Instagram
Турски државјанин загина во Чањ, а Д.П.(60) од Тиват загина на градилиштето на теренот за голф во Луштица при силно невреме.
Бурниот ветер, пропратен со врнежи и грмежи, ги урна сите три претоварни моста тешки повеќе од 400 тони, како и три дигалки во пристаништето Бар, откорна дрвја во повеќе општини во централниот и јужниот регион, урна покриви на куќи и згради а беше прекинато снабдување со електрична енергија во делови од земјата.
Улиците на крајбрежјето беа под вода, а најкритично беше во Будва. Оштетени се неколку возила и чамци.
Регион
Издадено предупредување за силно невреме во Грција
![](https://makfax.com.mk/wp-content/uploads/2023/09/poplava-grcija.jpg)
По продолжениот топлотен бран, Грција во следните два дена ќе се соочи со силно невреме, кое ќе биде придружено со силен дожд, грмежи и град, соопшти Националната метеоролошка служба.
Националната метеоролошка служба издаде итно предупредување за промена на временските услови во Грција
Исто така, беше посочено дека најинтензивно невреме се очекува в четврток и дека невреме ќе има во претежно планинските предели во централниот и северниот регион.
Температурата само малку ќе опадне и ќе се движи околу 30 степени. Западно-северозападен ветер со исклучителен интензитет се очекува на Јонското Море.
В четврток невремето ќе стигне до северниот дел на Егејското Море и кон копното на Грција. Подрачјата што ќе бидат зафатени се: Тракија, Халкидик, Тесалија, Споради, Стерија, Пенелопез и Евија.
🎯 ΣΥΝΤΟΜΗ ΕΝΗΜΕΡΩΣΗ
✅Πέραν του εκτάκτου δελτίου το οποίο θα επικαιροποιηθεί το μεσημέρι, θέλουμε να επισημάνουμε τα εξής:
α) Δεν εμφανίζονται ιδιαίτερα μεγάλα ύψη υετού.
β) Η συχνότητα ηλεκτρικών εκκενώσων θα είναι υψηλή κυρίως σε Αττική και Βοιωτία.
✅Ακολουθείτε… pic.twitter.com/oBfmTemXlv— Theodoros Kolydas (@KolydasT) July 3, 2024
На наведените места се очекува драстичен пад на температурите.
Предупредување за невреме е издадено и во Атика и Беотија.
Генералниот секретаријат за цивилна заштита им препорачува на граѓаните да бидат внимателни и да ги преземат сите заштитни мерки. Посебно предупредување има за областите во кои се очекуваат обилни врнежи, бури и силен ветер.
Од петок се очекува разведрување и враќање на реалните летни температури, кои се очекуваат за викендот.