Регион
(Фото) На интернет го „слават“ момчето кое ги уби своите врсници на училиште: „мега убиец“, „крал“, „топ“
Социјалните мрежи, според српските медиуми, вријат од коментари во врска со масакрот што се случи денеска во основното училиште „Владислав Рибникар“ во Врачар во Белград, каде што 14-годишното момче К.К. уби девет лица – осум ученици и чувар на тоа училиште – и рани шест ученици и еден наставник. Пишуваат дека додека огромното мнозинство луѓе емотивно го коментираат незапамтениот хорор, има и такви за кои убиецот е херој.

Недостаток на емпатија, чиста грубост, нешто друго или сето тоа заедно, само во нашето општество има деца на кои сето ова им е смешно и забавно, стои во написите на српските медиуми. Што е уште полошо, како што анализираат, се споделуваат коментари на социјалните мрежи без трошка срам, па дури и сочувство за семејствата на жртвите, величајќи го момчето кое денес остави многу семејства во црно.

Еден од пријателите на момчето-убиец до неговата фотографија напишал „крал“, а додал и три емотикони на кралска круна и неколку пиштоли. Веста за масакрот, како што пишувааат медиумите од соседството, за некои е толку добра што на трагедија правеле несолени шеги во гејмерски стил, со сите коментари „мега убиец“, „крал“ и слично.

На ваквите реакции укажа и српскиот претседател Александар Вучиќ во денешното вонредно обраќање до нацијата по повод масакрот во училиштето.
„Кога ќе ја погледнете шемата што ја нацртало момчето, ќе видите дека играл некаква игра. Гледате дека не се кае, дека не разбира што направил, бидејќи мислеше дека за еден дел од нив стана херој на социјалните мрежи. Од прогонувано момче сега е задоволен бидејќи стана херој“, изјави Вучиќ.
Инаку утрово во Белград 14-годишникот К.К. дошол во училиштето и прво пукал во чуварот, потоа кон три девојчиња кои биле во ходникот, а потоа влегол во кабинетот по историја.
Прво пукал во учителката и ја ранил, а потоа учениците скокнале врз него за да го спречат да ги убие сите.
Во таа училница, сепак, убил пет ученици.
Со себе имал два пиштоли и четири молотови коктели. Полицијата го пронашла во училишниот двор, каде што бил фатен.
Пред училиштето набрзо се собраа голем број родители чии деца го посетуваат училиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Отруено бебе во Србија: по грешка наместо вода, во шишето имало бензин
Вистинска драма се одвивала денес во градинка во општина Блаце, бидејќи осумнаесетмесечно бебе имало проблеми, односно аспирација. Брзата помош веднаш реагирала, пренесуваат медиумите во соседството.
Под ознаката итно, во придружба на педијатар, бебето е префрлено во Општата болница Прокупље, а потоа оттаму во Клиничкиот центар во Ниш.
Според првичните информации, најверојатно бабата на детето по грешка сипала медицински бензин во шишето со вода.
Според информациите од одредени медиуми, се сомнева дека симптомите на труење биле откриени за време на престојот на детето во групата од градинка.
Според првичните информации, најверојатно бабата на детето по грешка сипала медицински бензин во шишето со вода.
Имено, медиумите тврдат дека тоа започнало поради шише со вода, но овие тврдења не се потврдени.
Регион
Пленковиќ: Украина не смее да потпише предавање на територија на Русија
Украина не смее да стави „ни капка мастило“ на документ со кој законски би отстапила нејзина територија на Русија, изјави премиерот Андреј Пленковиќ во Давос, објави Индекс.хр.
На Светскиот економски форум (WEF) во швајцарскиот алпски град, премиерот на Хрватска учествуваше на панел за Украина заедно со генералниот секретар на НАТО Марк Руте, финскиот претседател Александар Стаб, холандскиот премиер Дик Шуф и латвискиот претседател Едгарс Ринкевич.
За време на дискусијата, Пленковиќ нагласи дека Хрватска спаѓа во групата земји кои се „јасно проукраински во однос на солидарноста и поддршката“.
„Ова произлегува од нашето сопствено искуство. Поради големосрпската агресија на почетокот на 1990-тите, Хрватска во еден момент имаше и 27 проценти од својата окупирана територија“, рече тој, додавајќи дека Украина сега е на 19,5 проценти.
Пленковиќ нагласи дека сите мировни договори имаат два аспекта, моментот и контекстот во кој се потпишани и нивните последици во иднина.
Во овој поглед, Пленковиќ нагласи дека Украина „не треба да стави ниту капка мастило на документ со што de iure би ја предала“ својата територија.
„Ова е од клучно значење за Украина, но и за да се спречи преседан што би ја загрозил стабилноста на меѓународниот систем, правото и односите во иднина“, рече тој.
фото/Depositphotos
Регион
(Видео) Урагански ветришта и поплави во Грција: двајца загинати
Силна бура со обилни дождови и ветрови со сила на ураган што го погоди поголемиот дел од Грција одзеде два животи. Регионот Атика беше најтешко погоден, каде што екстремните временски услови предизвикаа големи поплави, прекини во сообраќајот и стотици повици до службите за итни случаи, според „Грик Репортер“.
Во Ано Глифада, 56-годишна жена беше однесена од ненадејна поплава, додека 53-годишен службеник на крајбрежната стража настрада на должност во Астрос Кинурија. Според соопштението на грчката полиција, 56-годишната жена одела по улица кратко пред 21 часот вчера кога силна ненадејна поплава ја однела. Таа била заробена под возило и пронајдена во несвест од пожарникарите. Била однесена во болница, каде што била прогласена за мртва.
Во Астрос Кинурија, 53-годишен службеник од локалната станица на крајбрежната стража загинал додека патролирал пеш во пристаништето. Според грчката крајбрежна стража, службеникот помагал во прицврстувањето на бродот кога бил погоден од силен бран, предизвикувајќи фатална повреда на главата. Тој бил извлечен од водата во несвест, а неговата смрт била потврдена во локалниот здравствен центар.
До вчера попладне, обилните дождови предизвикаа значителни прекини во сообраќајот на патиштата во центарот на Атина и поширокиот регион на Атика. „Нивото на врнежи што го очекувавме беше потврдено и повеќе од тоа“, рече метеорологот Димитрис Зијакопулос.
🚨 Dangerous flooding now in Upper Glyfada in Athens, Greece.
📹 Mariana Generalli pic.twitter.com/4JEc2pFgYU
— Volcaholic 🌋 (@volcaholic1) January 21, 2026
Според Националната опсерваторија во Атина (Meteo.gr), екстремни врнежи од дожд се регистрирани низ Атика, источен Пелопонез и Евија.
Се очекува бурниот вртлог денес да се движи кон исток. Егејските острови сега се изложени на ризик, а прогнозите предвидуваат урагански бранови и ветрови. Властите остануваат во состојба на висока готовност.

