Регион
Адвокатот на семејствата на жртвите од „Рибникар“: Момчето убиец итно било префрлено во друго одделение, додека малата Ангелина чекала 4 месеци и не добила одговор

Родителите на Ангелина Аќимовиќ, која беше убиена на 3 мај во ОУ „Владислав Рибникар“, четири месеци пред масакрот побарале таа да биде преместена во друго одделение, но училиштето никогаш не им одговорило. Од друга страна, момчето убиец било префрлено во одделението каде што пукало „итно и нетранспарентно“, беше откриено на денешното судење во граѓанска постапка покрената од приватната тужба на семејствата на убиените против семејството на момче убиец, како и училиштето.
Огњен Божовиќ, адвокат кој ги застапува семејствата на убиените деца, рече дека тие стојат на нивната тужба.
– Добивме информација дека одделението е формирано во прилично нетранспарентна постапка – рече Божовиќ.
Кога станува збор за нетранспарентно работење на училиштето, тој изјави и дека нема евиденција за префрлање на момчето убиец од едно во друго одделение, пренесува „Блиц.рс“.
Тој истакна и дека таткото на Анџелина Аќимовиќ, жртвата на момчето убиец во јануари 2023 година, побарал таа да биде префрлена во друга паралелка, а училиштето никогаш не му одговорило.
-Додека момчето-убиец е итно пренесено без процедура, што укажува на нетранспарентно работење на училиштето – рече тој.
Адвокатот Божовиќ го спомна и лошото воспитување на момчето на убиецот.
– Имаме причина да се сомневаме дека неговите родители ги оправдале неговите отсуства што не требало да се оправдаат – изјави адвокатот.
Тој побарал да добие извештај за сите изостаноци од периодот кога момчето убиец било седмо одделение за да се утврди лошото воспитување на родителите.
Адвокатот Божовиќ побара од Градскиот центар за социјална работа да ги достави сите предмети поврзани со семејството Кецмановиќ.
– Особено образецот за регистрација на сомнение за злоупотреба и занемарување, сите доставени пријави, официјални покани испратени од Центарот до семејството – рече адвокатот.
Адвокатот на семејствата на убиените деца и училишниот чувар побарале да се добие целосна медицинска историја на момчето убиец.
Марина Ивеља, адвокатка која го застапува семејството на момчето убиец предложи судот да ја прекине постапката до завршување на кривичната постапка и изјави дека во кривичната постапка се бара надомест од 100.000 евра по починат, за секој член на семејството.
Таа побара пред изведувањето на доказите да се изврши вештачење на момчето убиец за да се утврдат неговите расудувачки способности во моментот на делото.
Адвокатот Божовиќ истакна дека се противи на прекинување на граѓанската постапка додека не заврши кривичната постапка против Владимир и Миљана Кецмановиќ.
Посочи дека „граѓанското право на одговорност е пошироко од кривичното право и би постоело дури и да се ослободат од обвиненијата“.
Тој рече дека е побарана документација од Министерството за образование и Градскиот центар за социјална работа и рече дека не ја доставиле во законскиот рок.
Меѓу другото, побараа да бидат информирани дали се преземени мерки и активности за усогласување на правилата за безбедност на учениците на училиште.
27 членови од убиените семејства во основното училиште „Владислав Рибникар“ поднесоа тужба против момчето убиец, неговиот татко Владимир Кечмановиќ, неговата мајка Миљана Кечмановиќ и училиштето.
Тужбата е поднесена за надомест на нематеријална штета за претрпена душевна болка поради смрт на блиско лице, како и за претрпениот страв.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Македонски камионџија уапсен во Грција по несреќата во која загинаа татко и дете

34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која животот го загубија татко и неговиот 13-годишен син. Трагедијата се случила на стариот магистрален пат Солун – Верија, околу 16 часот.
Според информациите на грчкиот портал protothema.gr, до несреќата дошло на делницата меѓу Халкидони и Лудија, каде под сè уште неразјаснети околности дошло до жесток фронтален судир меѓу камионот и патничко возило во кое патувало четиричлено семејство.
Во судирот, 44-годишниот возач на автомобилот починал на самото место, а неговиот 13-годишен син им подлегнал на повредите кратко потоа. 43-годишна сопруга и нивниот 9-годишен син се здобиле со тешки повреди и биле веднаш пренесени со возило на итната медицинска служба ЕКАБ во болницата „Гениматас“ во Солун.
Според близок роднина на семејството, трагедијата се случила додека се враќале од патување и шопинг во Солун кон нивниот дом во едно село во регионот Пела. Роднината вели дека семејството е во целосен шок, а точните причини за несреќата засега остануваат непознати.
Фотографиите од местото на трагедијата, објавени од protothema.gr, прикажуваат целосно деформирано возило, што сведочи за силата на ударот. Грчката полиција продолжува со истрагата за да ги утврди причините за фаталната несреќа.
Регион
(Видео) Протестот заврши, хаосот почна! Еве што се случуваше откако студентите се повлекоа од белградските улици

Синоќа во Белград се одржа масовен протест во организација на студентите под слоганот „Се гледаме на Видовден“, на кој, според проценките, учествуваа десетици илјади граѓани.
MUP kaže da je na Slaviji 36.000 ljudi, a vi pogledajte snimak iz drona N1 i prosudite sami. pic.twitter.com/oidIEKlDJ7
— TV N1 Beograd (@n1srbija) June 28, 2025
Протестот помина мирно сè додека не беше прогласен крајот од страна на организаторите, по што студентите се повлекоа.
“Uništavaju sve čega se dohvate – Kosovo i Metohiju, vodu, zemlju, vazduh, univerzitet” – akademik Slobodan Vukosavić pic.twitter.com/zwn5JdqoTY
— TV N1 Beograd (@n1srbija) June 28, 2025
Ситуацијата ескалираше веднаш потоа, кога група маскирани лица влегоа во судир со припадниците на полицијата. Безбедносните сили употребија солзавец за да ги растераат присутните, а улиците останаа преполни со граѓани. Полицијата потоа започна со насилно растерување на толпата, што дополнително ја вжешти атмосферата во центарот на српската престолнина.
U Ulici Kneza Miloša došlo je do intervencije Policijske brigade koja je u jednom trenutku počela da potiskuje građane. Nakon potiskivanja, policija je počela jače da odguruje građane okupljene kod Londona, ljudi idu niz Ulicu kneza Miloša. Čuju se topovski uidari i upotrebljen… pic.twitter.com/GYbAOw4a48
— TV N1 Beograd (@n1srbija) June 28, 2025
23.40h žestoka intervencija u kralja aleksandra pic.twitter.com/yiirFEROuj
— zarko bogosavljevic (@zarkobns) June 28, 2025
Истовремено, пред зградата на Владата на Србија се одржа контра-настан во форма на „литературна вечер“, организиран од поддржувачите на власта.
Incidenti kod turske ambasade, bačeno je nekoliko topovskih udara i petardi, javlja naš reporter. pic.twitter.com/FGauiM6xIA
— TV N1 Beograd (@n1srbija) June 28, 2025
Протестите на студентите траат уште од ноември минатата година, кога на Железничката станица во Нови Сад се случи трагична несреќа во која животот го загубија 16 лица, меѓу кои и еден македонски професор.
Токму таа несреќа беше иницијална каписла за студентското движење кое со месеци бара отчетност, реформи и оставки.
Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.