Регион
Ако побараат експертите, Вучиќ ќе воведе 24-часовен полициски час во Србија

Српскиот претседател, Александар Вучиќ, изјави дека е подготвен да воведе и 24-часовен полициски час ако експертите го побараат тоа и кажат дека е тоа единствената можна мерка, пренесува српски „Курир“.
Вучиќ одговараше на коментарот на новинар дека по неговото прво спомување на 24-часовен карантин пред неколку дена, се создало стампедо во продавниците.
„Учев како да носам тешки одлуки за нашата земја. Секогаш ги избирав оние најтешките, не најлесните. Ни миг нема да чекам ако експертите речат дека е тоа единствената можна мерка. Тогаш ни во продавница не ќе можете да одите“, истакна Вучиќ.
„Се разбира дека не би го сакал тоа, но ќе се случи ако ситуацијата стане морничава, ако бидеме очајни. Тоа е последната мерка. Тоа не е прашање на садизам, туку на чување на здравјето на луѓето“, додаде тој
Тој му се заблагорадил на новинарот, кој индиректно ја пофалил својата земја зашто и покрај стампедото за кое зборувал, посочил дека продавниците се полни и нема артикли што недостигаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.