Регион
Најмалку девет жртви во Албанија, пристигнува помош од целиот регион

Според најновиот биланс, девет лица загинаа во земјотресот што ја погоди Албанија рано утрово, изјави албанската новинарка Ергиса Бејколари за „Танјуг“.
Како што рече таа, најголем број жртви, но и најголема штета, има во албанските градови Тумане, Курбин, Драч, Фуше Крује, Леже и Фиер.
Бајколари рече дека лидерите од целиот свет и од регионот, вклучително и Србија, нудат и испраќаат помош во Албанија.
„Италијанскиот премиер, Џузепе Конте, и грчкиот премиер, Киријакос Мицотакис, веќе испратија авиони со специјални тимови за итни случаи. Францускиот претседател, Емануел Макрон, и турскиот претседател, Реџеп Таип Ердоган, изразија подготвеност да дадат каква било помош“, рече Бeјколари.
Таа исто така истакна дека и Амбасадата на Соединетите Држави и Делегацијата на ЕУ во Тирана се ставени на располагање за помош.
Косовскиот претседател, Хашим Тачи, ги ангажира косовските безбедносни сили за помош во кризните области во извлекувањето на луѓето од урнатините.
„Црногорскиот премиер, Душко Марковиќ, најави дека специјален тим за помош на повредените веќе се упатил кон Албанија, а специјалниот тим за итни случаи пристигнува исто така од Србија“, рече таа.
Таа рече дека продолжува работата на терен за спасување на луѓето од урнатините и обезбедување помош.
„Постои голема потреба од медицински персонал, облека и друга поддршка за оние што сега се оставени на улиците бидејќи земјотресот ги уништи нивните домови“, заклучи Бајкалари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шест месеци по падот на настрешницата, собир на граѓаните во Нови Сад

Денеска во Нови Сад се навршуваат шест месеци од падот на настрешницата на влезот на железничката станица, кога 16 лица загинаа, а едно е тешко повредено и се уште е во болница.
Студентите во блокадата на Универзитетот во Нови Сад ги повикаа граѓаните да се соберат пред станицата за во 11:52 часот да им се оддаде почит на жртвите.
„Не ги забораваме жртвите од падот на настрешницата во Нови Сад. Тој настан, кој е резултат на невнимание, неодговорност и институционална негрижа, однесе животи и ги остави семејствата и заедницата во болка и со прашања на кои се уште не се одговорени“, велат новосадските студенти.
Откако ќе оддадат почит, насобраните во колона ќе тргнат по булеварот Ослободување до Мостот на слободата, кој ќе биде блокиран неколку часа.
Регион
Уапсен шпион во Грција, осомничен за поврзаност со Русите

Етнички Грк од Грузија е уапсен во Александрополи, североисточна Грција, под обвинение за шпионажа, откако властите пронашле фотографии и видеа од воени објекти и опрема на неговиот мобилен телефон, пишува грчки Екатимерини.
Според грчката полиција, осомничениот испратил чувствителни материјали на неидентификуван примач во странство користејќи шифрирана апликација за комуникација. Според грчките медиуми, постои сомневање дека мажот фотографирал, снимал и дистрибуирал материјали од воено значење најмалку шест месеци.
Апсењето е извршено за време на заедничка операција на Националната разузнавачка служба (ЕЈП) и Одделот за криминалистичка истрага и гонење во Александрополи.
При прелиминарниот распит, осомничениот, наводно, признал дека фотографирал и снимал воени локации за друго лице. Според државната телевизија ЕРТ, властите веруваат дека мисијата можеби вклучувала планови за можна саботажа на воени објекти.
Лицето кое го регрутирало осомничениот е наводно член на меѓународна криминална мрежа и поврзан со руската воена разузнавачка служба ГРУ. Човекот признал дека првично му била понудена парична отштета, но на крајот постапил доброволно „за мајка Русија“. Тој, наводно, им рекол на истражителите дека во младоста служел во руската армија во Сибир.
Националната разузнавачка служба ја продолжува истрагата за да го утврди целосниот обем на операцијата, заклучува Екатимерини.
Регион
Во Белград најдено телото на девојчето кое неговата мајка го фрли во река во Загреб

Белградскиот Интерпол ја известил хрватската полиција дека во март во реката Сава во Белград пронашла тело на дете.
Загрепската полиција штотуку соопшти дека преку меѓународна полициска соработка е извршена ДНК анализа и е утврдено дека е жртвата на убиството, извршено на 15 јануари годинава во Загреб, кај мостот Јанкомир.
Станува збор за случај од почетокот на годинава кога ХГСС и други служби трагаа по тригодишно девојче кое мајка и го внела во реката кај мостот Јанкомир.
Мајката тие денови била сослушана во Жупаниското државно обвинителство во Загреб, а поради извршување на кривичното дело тешко убиство и е изречена едномесечен притвор.