Косовските власти минатата недела го екстрадираа Ахмет Гаши (42) од Косово во САД, осомничен за убиство по кој се трагаше 18 години.

Амбасадорот Џеф Ховениер во објава на платформата „Х“ рече дека минатата недела американско-косовскиот договор за екстрадиција бил искористен за испраќање на осомничениот Ахмет Гаши од Косово во САД за да му се суди.

Ахмет е од Пеќ и е осомничен за убиство на случаен минувач во 2006 година додека се возел со својот џип на авенијата Белмонт по тепачка во кафеана, пишува Газетаекспрес.

Судењето ќе започне на 16 јануари 2025 година. Според истрагата, на 31 декември 2006 година, околу 04:35 часот, Гаши се скарал и физички се пресметал во ресторанот и барот „Месечева светлина“ на авенијата „Белмонт“ бр. 2370. Откако бил исфрлен, Гаши продолжил да се расправа со луѓе надвор од барот и му било кажано да си замине.

Гаши наводно влегол во својот црн автомобил, излетал на тротоарот и ја растерал толпата луѓе и го удрил Кемал Коленовиќ (28). Коленовиќ, невин случаен минувач, од првиот удар бил фрлен во блокот и починал од повредите, пишува Газетаекспрес.

Според обвинението, Гаши побегнал во Косово и бил екстрадиран во САД на 13 декември 2024 година.

Црна Гора вчера вечер затвори три преговарачки поглавја, со што двојно го зголеми бројот на затворени поглавја во пристапните преговори кои беа отворени во 2012 година.

На меѓувладината конференција за пристапување, Црна Гора ги затвори преговорите во три поглавја – право за интелектуална сопственост, информатичко општество и медиуми и претприемништво и индустриска политика.

Црногорскиот премиер Милојко Спајиќ на прес-конференцијата изрази надеж дека Црна Гора ќе успее да ги затвори сите преостанати поглавја во следните две години.

Ова е голем потег за Црна Гора со оглед на тоа што досега затвори само три поглавја, а последното беше затворено уште во јуни 2017 година. Црна Гора аплицираше за членство во ЕУ уште во 2008 година, а пристапните преговори ги отвори во јуни 2012 година. Досега ги отвори сите преговарачки поглавја, а од вчера има вкупно шест затворени поглавја.

Комесарката за проширување Марта Кос вети поддршка во напорите за затворање на преостанатите поглавја. „Денешната меѓувладина конференција е доказ дека проширувањето е процес заснован на заслуги“, рече Кос.

За затворање технички беше подготвено уште едно поглавје, Надворешна, безбедносна и одбранбена политика, но Хрватска одби да се согласи со тоа.

Шефот на хрватската дипломатија Гордан Грлиќ Радман изјави дека ова не е блокада и дека Хрватска силно ја поддржува Црна Гора сите овие години, од моментот кога ги започна преговорите со ЕУ. Но, има одредени прашања кои не се од билатерален карактер, хуманитарни и цивилизациски прашања, кои се универзални, додаде хрватскиот министер.

Минатиот месец Хрватска испрати нон-пејпер (неформален дипломатски документ) до Црна Гора, во кој бара решавање на неколку отворени прашања кои ги нарушуваат меѓусебните односи на двете земји. Во тој документ, според дипломатски извори, се наведува дека двете земји треба да ги решат прашањата за сопственоста на училишниот брод Јадран, меѓусебната демаркација, гонењето на воените злосторства, потрагата по исчезнати лица, како и прашањето за името на градскиот базен во Котор, кој го носи името на поранешниот ватерполист Зоран Гопчевиќ, за кого Хрватска тврди дека бил чувар во логорот Морињ.

За време на оддавањето почит на жртвите во Нови Сад пред Земјоделскиот факултет во Земун, се случи инцидент кога возач на приватен автомобил покосил неколку граѓани.

Како што може да се види на видеото, автомобилот доаѓа од правец на улица Немањина до раскрсницата со Авијатичарски трг, каде траеше петнаесетминутната блокада, при што граѓаните им оддадоа почит на жртвите од падот на настрешницата на Железничката станица во Нови Сад.

Откако граѓаните одбиле да се движат, возачот на автомобилот згазнал на педалот за гас и „понел“ неколку учесници во блокадата на хаубата од својот автомобил. Граѓаните гласно протестираа и удраа во автомобилот кој со голема брзина се оддалечи местото.

 

View this post on Instagram

 

A post shared by Nova.rs portal (@nova.rs_portal)

„Денешните блокади се протест против нееднаквоста и правдата која отсутствува“, изјави еден од студентските организатори. „Нашата борба продолжува, се додека не се постигне одговорност.“

Полицијата и властите во Белград продолжуваат со истрагата во врска со инцидентот, а јавноста останува со прашање кога ќе биде одговорено за трагичните настани во Нови Сад и дали ќе се преземат конкретни мерки за безбедноста на железничкиот транспорт.

Инаку во Белград денеска продолжија протестите по повод трагедијата што се случи на железничката станица во Нови Сад, при која загинаа 15 лица. Протестите беа организирани од страна на Зелениот левичарски фронт (ЗЛФ) и студентските организации, кои изразија незадоволство поради недостигот на одговорност и правда.

Во знак на солидарност со жртвите, активистите на ЗЛФ поставија блокада на Северниот булевар во Белград, која траеше 15 минути. Тие истакнаа дека не се повлекуваат од своите барања за одговорност, истакнувајќи дека „ако нема правда за народот, нека нема мир за власта“. Блокадата беше поддржана од бројни граѓани, а социјалните мрежи беа преплавени со фотографии и пораки кои ја поддржуваат нивната борба.