Регион
Анкета: 50 отсто од лекарите и 40 отсто од медицинските сестри во Хрватска не сакаат да се вакцинираат

Пoдатоците од анкетирањето на вработените за вакцинација, кое трае во болниците во Хрватска од минатата недела, покажуваат дека помалку од половина од лекарите сакаат да се вакцинираат, пишува „Јутарњи лист“.
На пример, во Универзитетскиот болнички центар Загреб помалку од половина од лекарите се изјасниле за вакцинација, но затоа повеќе од 60 отсто од медицинските сестри ги дале своите потписи за вакцинација. Во болницата „Свети Дух“, ситуацијата е обратна и повеќе лекари се склони на вакцинирање. Половина од вработените во КБЦ „Сестри милосрдници“ би биле вакцинирани.
Хрватскиот институт за јавно здравје верува дека овие бројки ќе се зголемат кога ќе пристигне вакцината, иако годишната вакцинација против грип не влева оптимизам бидејќи одѕивот на здравствените работници бил релативно мал.
Се чини дека расположението на здравствените работници за вакцинација во Хрватска е слично на она во другите земји. Вакцинацијата со вакцините на „Фајзер“ и „Бајонтек“ е во тек во Велика Британија, а слични анкети покажаа дека би биле вакцинирани 4-10 вработени во здравствените установи.
Затоа се зголемува дебатата на глобално ниво дали треба да биде задолжително вакцинирањето на оние кои во својата работа можат да ја пренесат болеста на други, пишува „Јутарњи лист“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Мафијашка пресметка во Црна Гора, пронајдено тело на популарна плажа

Целосна полициска блокада е воспоставена во поширокото подрачје на плажата Јаз во близина на Будва вчера вечер поради убиство што се случило во кај блиската плажа Трстено. Полициските сили ги контролираат сите приоди, а истрагата е во тек, објавува порталот Dan.co.me.
Според извештаите од теренот, полициска блокада е поставена на мостот Јаз и се протега сè до местото на злосторството, кое е оддалечено околу еден час пешачење. По наредба на вишиот државен обвинител, преминот е забранет за сите освен за службени лица, вклучително и за новинарски екипи. Полициските службеници ја проверуваат идентификацијата на сите возила пронајдени во близина на блокираното подрачје.
Безживотното тело на маж, кој сè уште не е идентификуван, е пронајдено во возило во близина на плажата Трстено. Според неофицијални информации, полицијата интензивно работи на утврдување на идентитетот на жртвата, а истражува и сомневање дека тој е висок член на една од криминалните групи, што ја отвора можноста дека станува збор за продолжение на конфликтот меѓу клановите, пишува Дан.
Иако деталите сè уште не се официјално потврдени, сè укажува на нова мафијашка пресметка, пишува црногорски Вијести.
Според информации од неколку извори блиски до истрагата, полицијата истражува дали ова убиство е продолжение на долгогодишен конфликт меѓу црногорските криминални кланови, објавува Вијести.
„Телото на еден маж е пронајдено во автомобил, а се верува дека бил член на една од криминалните групи. Извор близок до истрагата откри дека жртвата била застрелана низ шофершајбната на автомобилот. Ова е второ убиство поврзано со судирите меѓу клановите што го потресоа Котор во последниот месец и половина“, објавија медиумите.
фото: принтскрин
Регион
Македонија ѝ понуди помош на Бугарија по катастрофалните поплави

Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“, по телефонскиот разговор со македонската претседателка Гордана Сиљановска Давкова.
„Благодарност до претседателката Гордан Сиљановска Давкова за конструктивниот телефонски разговор и изразеното сочувство за жртвите од поплавите во Бугарија, како и за декларираната подготвеност на РСМ да обезбеди поддршка за справување со последиците од невремето“, напиша Радев.
Благодаря на президента Гордана Силяновска @gogamkd за конструктивния телефонен разговор и изразените съболезнования за жертвите при наводненията в България, както и за заявената готовност РСМ да окаже подкрепа за справяне с последиците от бедствието.
— President.bg (@PresidentOfBg) October 4, 2025
Бугарија се соочува со апокалиптични поплави. Снимките покажуваат како автомобилите се однесени од порои, а полицијата и жандармеријата се распоредени во критичните области.
Четвртата жртва од поплавите во реонот на туристичкото одморалиште Елените во Бугарија е откриена синоќа, изјави директорот на Регионалната дирекција на Министерството за внатрешни работи во Бургас, виш комесар Владимир Маринов.
БТА објави дека ситуацијата во одморалиштето Елените и поширокото подрачје на Бургас, во југоисточна Бугарија, полека се враќа во нормала.
Massive flooding due to heavy rainfall in Elenite, Burgas Province, Bulgaria 🇧🇬 pic.twitter.com/1w2cKP2lgA
— Disaster News (@Top_Disaster) October 3, 2025
Во невремето животот го загубија двајца спасувачи и еден граѓанин, кој во моментот на пристигнувањето на првиот голем бран се наоѓал во соба на приземјето од својата куќа.
Регион
Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место.
Во Хрватска, во шумско подрачје близу Крижевци, 54-годишен маж бил смртно нападнат од стршлени, соопшти полицијата од Копривничко-крижевечката жупанија.
Вчера, додека сечел дрва за огрев, мажот бил нападнат од стршлени, по што му се слошило, јавува Хина.
И покрај тоа што брзо му била укажана лекарска помош, мажот починал на самото место