Регион
Анкетите во Србија покажуваат победа на Вучиќ во првиот круг
Tретина од граѓаните на Србија немаат намера да излезат на претседателските и на парламентарните избори на 3 април според последните анкети, кои предвидуваат победа на актуелниот претседател Александар Вучиќ во првиот круг, а за владејачката коалиција предводена од напредните (СНС) повеќе од половина во парламентот.
Анкетите спроведени на крајот на изборната кампања покажуваат дека Вучиќ, доколку излезат повеќе од половина од вкупно 6,5 милиони регистрирани гласачи, би освоил втор последователен претседателски мандат во првиот круг со околу 60 отсто од гласовите.
Пензионираниот генерал Здравко Понош, кој беше номиниран од коалицијата на партиите од десниот центар, граѓанските движења и синдикатите Обединети за победа на Србија, е најдобро пласиран на анкетите меѓу седумтемина противници на Вучиќ, па за него би гласале околу 19 отсто од избирачите, што е процент и на определените за парламентарната листа на таа водечка опозициска коалиција.
Српската напредна партија на Вучиќ и партиите што ја поддржуваат или досега биле во коалиција со неа може да сметаат на парламентарно мнозинство со нешто повеќе од 62 отсто од гласовите. Изборниот праг сигурно ќе го надминат Обединети за победа на Србија, коалицијата на партиски групи и движења на зелено-левичарската коалиција „Мораме“ и можеби уште три-четири главно десничарски политички групи.
На прагот на изборниот праг е коалицијата „Ајде луѓе“ на поранешниот српски претседател Борис Тадиќ и радикалите (СРС) на Воислав Шешељ, кои ја поддржуваат кандидатурата на Вучиќ на овие избори и се обидуваат да се вратат во парламентот.
На два дена пред почетокот на изборниот молк и владејачката и опозициската коалиција се обидуваат да ги анимираат неопределените гласачи, кои според истражувањата се движат од 30 до дури 38 отсто.
Но, изборните анкети укажуваат и на сомнежи за регуларноста на изборниот процес. Според едно истражување, речиси 42 отсто веруваат дека изборите нема да бидат фер, а повеќе од 40 отсто се убедени дека ќе бидат фер.
Во 2021 година опозицијата се обиде да ги подобри изборните услови во две насоки – преку директни преговори со владејачката партија и со посредство на претставници на Европскиот парламент.
Постигнатите компромиси само делумно ја задоволија хетерогената опозиција, која како еден од клучните проблеми го гледа влијанието на владејачката партија врз медиумите, кои доминантно му се наклонети на Вучиќ, владата и Српската напредна партија, но и влијанието на власта врз Републичката изборна комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.