Регион
Апсење во Црна Гора: Приведен вработен во Агенцијата за национална безбедност
![](https://makfax.com.mk/wp-content/uploads/2019/08/policija_crna_gora_0.jpg)
Функционерот на Агенцијата за национална безбедност во Црна Гора, Петар Лазовиќ, е уапсен по наредба на Специјалното државно обвинителство, пишуваат тамошните медиуми.
Тој е уапсен поради сомнение дека сторил кривично дело создавање криминална организација, објави „Подгорица вијести“.
Налог за апсење е издаден и по службеникот на полициската управа Љубо Миловиќ, кој заедно со Лазовиќ од страна на Европол беа идентификувани како членови на кавачкиот криминален клан.
„Во кривичниот предмет што беше повторно отворен во мај годинава, по наредба на главниот специјален обвинител, врз основа на материјалот на Европол и француските правосудни органи, поднесен во јули и декември минатата година, вработениот во Агенцијата за национална безбедност, П.Л., е лишен од слобода, поради постоење основи за сомнение за сторени кривични дела создавање криминална организација, неовластено производство, држење и пуштање во промет наркотични дроги, шверц, недозволено држење оружје и распрскувачки материи и злоупотреба на службен став“, соопшти Специјалното државно обвинителство.
Лазовиќ е уапсен од припадници на Специјалната полиција и во законскиот рок ќе биде сослушан во Специјалното државно обвинителство.
Повикувајќи се на своите сознанија, бил издаден налог за апсење и на полицаецот Љубо Миловиќ, кој заедно со Лазовиќ е осомничен за создавање криминална организација.
Телевизијата „Вијести“ претходно објавила дека полицијата извршила претрес во хотелот „Подгорица“, чија сопственост е поврзана со пријателот и колега на Лазовиќ, Љубо Миловиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.