Регион
БиХ покренува постапка на ревизија на пресудата против Србија за геноцидот во Сребреница
Бошњачкиот член на Претседателството на Босна и Херцеговина Бакир Изетбеговиќ потврди во петок дека пред Меѓународниот суд на правдата ќе биде покрената постапка за ревизија на пресудата од 2007 година, по тужбата што БиХ ја обвини СР Југославија, односно денешна Србија, за агресија и геноцид.
„Следната недела ќе биде предадено барањето за ревизија(на пресудата) во Ден Хаг“, рече во петок Изетбеговиќ пред новинарите во Сараево, прекинувајќи ги повеќедневните шпекулации кои доведоа до големи политички тензии во БиХ.
Тој тоа го изјави по состанокот со педесетина политичари, претставници на бошњачките невладини здруженија, универзитетски професори, правни експерти и други лица од јавниот живот на кој биле разгледувани аргументите за покренување на постапка на ревизија на пресудата со која Меѓународниот суд во 2007 година потврди дека во Сребреница бил извршен геноцид на Бошњаците, но утврди и дека властите на тогашна СР Југославија не биле директно вклучени во планирањето и спроведувањето на ова злосторство. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.