Регион
Борел: Соседството на ЕУ е во пламен – ако не го стабилизираме Балканот

Високиот претставник на ЕУ за надворешна политика и безбедност, Џозеф Борел, рече дека Брисел ја застапува опцијата за постепено интегрирање на земјите од Западен Балкан во блокот.
Тој наведува дека несогласувањето меѓу Белград и Приштина во врска со Косово сè уште е во голема мера присутно.
„Ако не го стабилизираме Балканот, тогаш ќе биде тешко да се сметаме за геополитичка сила бидејќи никој друг нема да го стори тоа, само Европејците“, рече Борел во интервју за „Фајненшл тајмс“.
Тој додаде дека прашањето за Балканот особено ја загрижува ЕУ.
Борел истакна дека соседството на ЕУ практично гори и се залагаше за силен и унифициран одговор од сите членки на блокот.
„Во последните 10 месеци нашето соседство беше зафатено од пламен, од Либија до Белорусија. Сè е многу полошо отколку што очекував“, рече Борел.
Говорејќи за медитеранскиот регион, Борел изјави дека тензиите меѓу Грција, Турција и Кипар почнаа експоненцијално да растат и постои сериозен ризик конфликтот да го надмине нивото на зборови.
Тензиите се зголемија кога Турција почна да ги истражува изворите на енергија во спорните делови на Медитеранот, на кои полагат право и Грција и Кипар. Во меѓувреме, Грција распореди поморски и воздушни единици, а Франција нареди воени патроли. Водачите на ЕУ ќе разговараат за Турција на 24 септември.
Говорејќи за Белорусија, Борел рече дека министрите за надворешни работи на ЕУ ќе состават список на рестриктивни мерки против официјални лица вклучени во местење на претседателските избори во Белорусија на 21 септември.
Брисел ги отфрли резултатите од изборите во Белорусија одржани на 9 август, на кои победи Александар Лукашенко освојувајќи 80 проценти од гласовите.
ЕУ исто така ја осуди насилната репресија на мирните протести и предупреди на воведување санкции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.