Регион
Борисов во Тирана: Неколку земји сè уште неодлучни за преговорите со Албанија
Бугарскиот премиер Бојко Борисов по средбата што ја имаше во Тирана со својот албански колега Еди Рама изјави дека 2-3 држави на ЕУ сè уште се неодлучни што се однесува на почетокот на преговорите со Албанија за членство во ЕУ, но повеќето земји на ЕУ се на мислење дека Албанија треба да добие датум и отворен пат за почеток на преговорите за влез во ЕУ.
„Западен Балкан е најтешката тема што може да се реши, но е многу значајна бидејќи ако еден сосед на Балканот е во тешка состојба, тогаш и другите држави се во тешка состојба. Поради тоа, неоходно е регионот да има добра соработка бидејќи и перспективите би биле поголеми за сите земји во регионот“, нагласи Борисов во Тирана и додаде дека се прават напори и оние држави што сè уште не се определени кога е во прашање Албанија, да се убедат дека таа треба да добие почеток на преговорите.
Албанскиот премиер Еди Рама изрази голема благодарност за поддршката од Бугарија, која е претседавач на ЕУ, со цел Албанија и Македонија да ги започнат преговорите со Унијата. Рама, говорејќи за исполнувањата на условите за ЕУ, рече дека ЕУ бара од Албанија и усвојување на законот за малцинствата.
К. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.