Регион
Братот на осомничениот за убиството на Данка Илиќ почина во притвор: Дали сè признал пред смртта?
Далибор Драгијевиќ (40), брат на осомничениот за убиството на Данка Илиќ (2), кој беше приведен поради сомнение дека помагал во делото, починал во притвор во ПУ Бор, дознава Телеграф.рс.
Му се слошило во раните утрински часови. „И покрај навремената реакција на полициските службеници и лекарите од Здравствениот дом во Бор кои се обиделе да реанимација, тој починал во 03.10 часот, а лекарот судска медицина констатирал природна смрт“, се вели во соопштението на српското МВР.
Како што се посочува, за настанот веднаш било известено Вишото јавно обвинителство во Зајечар, кое наредило обдукција на починатиот во Институтот за судска медицина во Белград. Инаку, тој требаше да биде сослушан денеска. Беше уапсен во петокот заедно со неговиот татко под обвинение дека му помагал на брат му да го пренесе телото на Данка од депонијата на засега непозната локација.
Малку по 12 часот, екипа на брза помош и инспектори пристигнале пред куќата на осомничениот Дејан Д. во Злот, каде останала само неговата мајка. Иако првите информации беа дека итната помош пристигнала затоа што на жената ѝ се слошило, се верува дека дежурале екипи на лекари во моментот кога ја известиле дека нејзиниот помал син починал во текот на утрото.
Како што пишува Блиц, Далибор Драгијевиќ пред смртта и признал се на полицијата. Оттаму додаваат дека вчера ја водел полицијата на неколку локации, но никаде не било пронајдено тело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сирија го призна Косово
Претседателката на Косово, Вјоса Османи, објави дека Сирија ја признала независноста на Република Косово, пренесува Анадолу.
Османи, која е во официјална посета на Ријад, изјави дека со поддршка на саудискиот престолонаследник Мохамед бин Салман, е постигнат договор со кој Сириската Арапска Република ја признава Република Косово.
Османи му се заблагодари на сирискиот претседател Ахмед ал-Шарија за одлуката за признавање на Косово, како и за неговата поддршка за Косово.
„Народот на Косово и Сирија многу страдаше и жртвуваше за да постигне слобода. Затоа, ова меѓусебно признавање денес не е само признавање на државниот суверенитет, туку и признание на жртвите на многу генерации за слободен живот“, рече Османи.
Таа, исто така, му се заблагодари на саудискиот престолонаследник „што го овозможи овој историски чин меѓу двете земји“. Со признавањето од Сирија, сега 120 земји ширум светот го признаа Косово.
Регион
Додик му се заблагодари на Трамп
Поранешниот претседател на Република Српска, Милорад Додик, се огласи откако САД ги укинаа санкциите против него, заблагодарувајќи му се на американскиот претседател Доналд Трамп за исправката, како што тврди, на големата неправда. Тој ја нарече одлуката морална рехабилитација на вистината за Република Српска.
Во објава на социјалните мрежи, Додик му се заблагодари на американскиот претседател Доналд Трамп и неговите соработници за „исправката на големата неправда нанесена врз Република Српска, нејзините претставници и нивните семејства“, која, како што наведува, „ја создадоа администрациите на Обама и Бајден“.
„Одлуката за укинување на санкциите не е само правна, туку и морална рехабилитација на вистината за Република Српска и сите оние кои чесно ѝ служат. Уште еднаш се покажа дека сè што беше кажано против нас беше лага и пропаганда, врз која беше изграден големиот хаос што го создаде Кристијан Шмит – хаос што сега мора да се исчисти“, рече Додик.
Тој додаде дека може да им прости сè на оние кои се фалеле и верувале во туѓите лаги во изминатите години, „освен годините што ги изгубиле затоа што верувале дека Република Српска ќе падне“. „Денес е јасно – таа никогаш нема да падне“, рече Додик.
Фото: ЕПА
Регион
САД ги укинаа санкциите за Додик
САД одлучија да ги укинат санкциите за неколку лица од Република Српска, што е поврзано со неофицијален договор меѓу Милорад Додик и новата американска администрација.
Санкциите беа укинати за Милорад Додик, Жељка Цвијановиќ, семејството Додик, нивните компании и многу други блиски соработници.
Во петок, 17 октомври, САД ги укинаа санкциите за четворица блиски соработници на Додик, кои првично беа ставени на црната листа за организирање и промовирање на неуставниот „Ден на РС“. Тие се Јелена Пајиќ Баштинац, Данијела Драгичевиќ, Горан Раковиќ и Дијана Миланковиќ.
Неофицијални извори тврдат дека укинувањето на санкциите е резултат на договор меѓу САД и Додик, според кој Додик морал да ја напушти функцијата претседател на РС по конечната пресуда и да назначи вршител на должноста претседател.
Откако Ана Тришиќ-Бабиќ беше избрана за вршител на должноста претседател на Република Српска, со што се исполни тој дел од договорот, Америка постепено ги укинува санкциите за другите соработници на Додик, а тој процес треба да биде завршен до крајот на овој месец.

