Регион
Братот на убиецот закопан, мештаните револтирани: За неговиот гроб се знае, но каде е на Данка?“

Далибор Драгијевиќ (40) од Злот, брат на Дејан Драгијевиќ (50), кој е осомничен дека на 26 март ја уби малата Данка Илиќ (2) со колегата од „Водовод“, Срѓан Јанковиќ (50), вчера беше погребан на локалните гробишта пред само десетина негови најблиски роднини и инспектори.
Во околината на неговиот гроб е ископана земја на повеќе места, каде што полицијата изминативе денови трагаше по телото на убиеното девојче.
Инаку, Далибор е уапсен заедно со татко му под сомнение дека на 28 март, два дена по убиството на малата Данка, му помогнале на Дејан да го премести телото на девојчето од дивата депонија на Старобањскиот пат, каде што првин било фрлено, за тајно да ја скрие локација.
При апсењето Далибор во полиција признал дека учествувал во криењето на телото, но не сакал да им открие на инспекторите каде завршил трупот на Данка. Оваа тајна ја однел во гроб кога во неделата починал во полициската станица, а Дејан и татко му Раде упорно ја кријат локацијата на телото.
Според неофицијални информации, Дејан и Раде побарале од судот да присуствуваат на погребот на Далибор, но тоа не им било дозволено.
Погребот го организирала мајката на Далибор и на Дејан, Светлана, која е единствениот член од семејството Драгијевиќ кој е на слобода. Присуствувале повеќе блиски роднини и соседи, а куќата ја обезбедувале неколку полициски патроли. Од куќата се слушал лелек, по што Светлана, роднините и соседите во колона од неколку автомобили се упатиле кон гробиштата.
Погребот беше бојкотиран од мнозинството жители на Злот, кои биле огорчени од она што го направија Драгијевиќ.
„Далибор е погребан и се знае каде му е гробот, а на Данка? Каде е гробот на Данка? Каде го фрлија ангелчето и зошто молчат? Како може да молчат? Дејан треба да скапе во затвор и кога ќе умре, и за него да не се знае каде му е гробот“, рекол жител на Злот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Регион
Локални избори во Заечар и Косјериќ

Денеска во Заечар и Косјериќ се одржуваат редовни локални избори, на кои се избираат советници во општинските совети на овие две локални самоуправи. Гласачките места се отворија утрово во 7:00 часот, а се затворија во 20:00 часот.
Осум изборни листи учествуваат на изборите во Заечар и три во Косјериќ. Изборниот молк ќе трае до затворањето на гласачките места.
Министерот за внатрешни работи на Србија, Ивица Дачиќ, изјави дека нарушувањето на изборите е кривично дело и дека полицијата ќе реагира.
– Полицијата мора да си ја врши својата работа. Во кривичниот законик постои кривично дело попречување на избори. Доколку некој крши гласачки кутии или им попречува на луѓето да гласаат, тоа нема да биде дозволено – рече Дачиќ.
Општина Косјериќ има околу 10.000 жители, а право на глас имаат 8.897 гласачи.
Според податоците на Градската изборна комисија, вкупниот број на гласачи на територијата на Заечар е 47.357.
Прелиминарните резултати се очекуваат вечерва.
Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.