Регион
Брнабиќ: ЕУ не прави ништо за Косово

Премиерката на Србија, Ана Брнабиќ, изјави дека Европската Унија во моментот не прави ништо или прави многу малку во врска со прашањето за Косово.
„Немам ништо добро да кажам за однесувањето на Европа, за однесувањето на ЕУ и, пред сѐ, мислам дека тоа е прашање на ЕУ. Нивниот потпис е на бриселскиот договор“, рече Брнабиќ, пренесуваат регионалните медиуми.
Таа исто така посочи дека бриселскиот договор е јасно прекршен во Косово бидејќи таму не треба да има специјални единици на „Росу“, а заедницата на српски општини, како што вели, не е формирана ниту девет години по тој договор.
Брнабиќ оцени дека ЕУ не само што го толерира неспроведувањeто на договорот од Брисел веќе девет години, туку молчи и за неговото јасно кршење“.
„ЕУ на еден од состаноците во Њујорк, каде што бев, рече што можеме да направиме за деескалација. Па можеш да го почитуваш својот збор, можеш да го направиш тоа. За почеток, по речиси девет години, да кажам, кога сте гарант на бриселскиот договор, да гарантирате негова имплементација, а она што во моментот го имаме ќе исчезне за пет минути“, рече Брнабиќ.
Таа минатата недела учествуваше на Генералното собрание на ОН во Њујорк, од каде што, како што пренесуваат медиумите, посочила дека претставниците на ОН ѝ кажале дека „Косово не е држава за нив“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.