Регион
Бројот на загинати во железничката несреќа во Грција се искачи на 57 лица
Бројот на загинати во железничката несреќа во вторникот во Грција се искачи на 57, изјави судскиот вештак за Би-Би-Си.
Елени Загелиду, една од десетте вештаци кои работат на истрагата, рече дека ДНК е земена од 57 тела.
Шефот на форензиката Лариса Рубини Леондари рече дека 14 јагленосани тела биле однесени денес во мртовечницата, додека седум биле пронајдени вчера. Во интервју за радиото Реал-ФМ, таа изјави дека во мртовечницата постојано пристигнуваат вреќи со остатоци од тела.
„Од секој екстремитет е земена ДНК, некои веројатно припаѓаат на веќе идентификувани жртви, а некои ќе го потврдат статусот на исчезнатите. Имаме информации дека ДНК анализите добро напредуваат. Досега веќе имаме 14 целосни резултати кои се во процес на идентификација од страна на надлежното лице“, рече Леондари.
Железничарите во Грција денеска стапија во штрајк поради зголемен гнев во јавноста кон властите. Штрајкот уследи по протестите во Атина, Солун и градот Лариса, во близина на местото на катастрофалната несреќа.
Спасувачите се’ уште минуваат низ изгорените вагони во потрага по жртви.
„Ова беше најтешкиот момент, бидејќи наместо да спасуваме животи, мораме да извлекуваме тела“, изјави спасувачот Константинос Иманимидис за „Ројтерс“.
Патнички воз со повеќе од 350 патници директно се судри со товарен воз во вторник вечерта недалеку од градот Лариса. Во моментот на несреќата возовите се движеле во спротивни насоки, но по иста пруга.
Шефот на станицата беше уапсен неколку часа по несреќата.
Многумина од 350-те патници во возот беа студенти, кои се враќаа во Солун по долгиот викенд, а грчкиот премиер Киријакос Мицотакис рече дека катастрофата се должи на „трагична човечка грешка“.
Министерот за транспорт Костас Караманлис претходно поднесе оставка и нагласи дека ја презема одговорноста за долгогодишниот неуспех на државата да го поправи железничкиот систем, за кој рече дека не е погоден за 21 век.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.