Регион
Бугарија ќе добие над милион дози од т.н. солидарни вакцини
Бугарија во второто тримесечје ќе добие повеќе од 1,2 милион дополнителни дози вакцина против Ковид-19 од „Бионтек“ и „Фајзер“, изјави бугарскиот премиер, Бојко Борисов.
Повеќето земји членки на ЕУ се согласија во четвртокот заеднички да споделат дел од дополнителните 10 милиони дози вакцини на „Бионтек-Фајзер“ со Бугарија, Хрватска, Естонија, Латвија и со Словачка, земјите што одлучија дека им се потребни најмногу вакцини.
Но, чешкиот премиер, Андреј Бабиш, во петокот го критикува договорот велејќи дека планот е небалансиран затоа што не разбира како Европската Унија може да се согласи кога Чешка, Австрија и Словенија се противат на тоа, пренесуваат регионалните медиуми.
Бугарија, која има најмало покритие за вакцинација во ЕУ, ќе добие 1,26 милион дози од 2,85 милиона таканаречени солидарни вакцини за петте членки на Унијата. Хрватска ќе добие дополнителни 747.000 дози вакцини.
„Ова е добра вест за нас и за цела Европа бидејќи покажува дека земјите членки може да се солидаризираат“, напиша Борисов во објавата на својата страница на „Фејсбук“.
Балканската земја првично нарача повеќе вакцини од „Астра зенека“ отколку од „Фајзер“.
Бугарија има регистрирано 346.327 случаи на заразени од коронавирус од почетокот на пандемијата, од кои 13.313 биле фатални.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.