Регион
(Видео) „Агент провокатор“: која е девојката што го снимаше и му го загорчи животот на албанскиот градоначалник

Девојката поради која беше разрешен градоначалникот на албанскиот град Кукс, Сафет Ѓичи, всушност е „агент провокатор“ преку кој криминална група изнудувала пари од фунцкионери и бизнисмени. Групата изнудувала под закана дека ќе објави експлицитен материјал во јавноста, пишуваат албанските медиуми.
Полициски извор откри дека девојката по име Алма Кучи се среќава со високи функционери, политичари, познати личности и бизнисмени. Потоа ги заведува, ги снима, а група во позадина подоцна ги уценувала жртвите.
Првиот човек на Кукс беше разрешен по објавувањето на видеото каде во канцеларијата на општината има орален секс со оваа девојка.
Неофицијални извори посочуваат дека девојката е добро обучен агент.
Неофицијални извори велат дека девојката има и други, необјавени видеа со познати личности во Албанија. Според она што го пренесува „Корупсиони.ал“, Алма Кучи била во роднинска врска со заменик директорот на ШИШ, Владимир Елези. Елези денес е директор на Тајната служба во Кукс, каде се смета дека се родила идејата да се снима Сафет Гичи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.