Регион
(Видео) Во Србија објавена листа на ботови на Вучиќ, на списокот има над 14 илјади профили
![](https://makfax.com.mk/wp-content/uploads/2023/07/spisok-botovi.jpg)
Србија ја тресе нова афера откога на интернет се појави интерен список со повеќе од 14.000 бота на Српската напредна партија (СНС) на социјалните мрежи, објави „Н1 Србија“. Бот е лажен, понекогаш програмиран профил на социјалните мрежи, кој има цел да се претстави како профил на вистинска личност.
Списокот што излезе во Србија ги содржи имињата и презимињата на луѓето што стојат зад тие лажни профили, како и местата од кои доаѓаат.
Судејќи по тој список, чија веродостојност сè уште не е потврдена, во тие активности се вклучени и вработени во јавниот сектор од сите делови на Србија. Никој од членовите на СНС не ги потврди, ниту ги демантира информациите што стигнаа во јавноста.
Извесен Марко Јовановиќ од „Твитер“ го интересира само политика. Лице со исто име со цело срце ги поддржува владата и претседателот на Србија, Александар Вучиќ, и ја омаловажува опозицијата. Заедничко им е и тоа што и двајцата се алтер ега на Јанко Лангура.
Тоа име се наоѓа на списокот со над 14.000 бот-сметки од цела Србија, меѓу кои граѓаните ги препознавале своите соседи – наставници, вработени во јавната администрација, раководители на градски служби итн.
„Постојат разни категории на тие луѓе, таканаречени хејтери, кои зборуваа против опозицијата, дури и против Србија, за да ги испровоцираат другите на социјалните мрежи, оние што споделуваат разни профили на Српската напредна странка. Имате и највисоки координатори од сето ова, кои беа дури и со име и презиме“, изјави експертот за медиуми и комуникации, Игор Авжнер за N1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Грција: Пожари на островите Хиос и Кос во источниот дел на Егејското Море
![](https://makfax.com.mk/wp-content/uploads/2024/07/hjk.jpg)
Грчките пожарникари биле алармирани да ги локализираат пожарите кои денеска избувнаа на островите Хиос и Кос во источниот дел на Егејското Море.
Грчките служби за итни случаи издадоа наредби за евакуација на жителите од областа Метохи во западен Хиос, повикувајќи ги да се упатат кон блиската плажа, пренесува АП.
Малку појужно, на островот Кос, противпожарната служба соопшти дека 20 пожарникари, хеликоптер и доброволци се борат со пожарот кој избувна во централниот дел на островот.
Регион
Мицотакис: Грција се соочува со опасно лето поради пожари, суша и ветрови
![](https://makfax.com.mk/wp-content/uploads/2019/01/micotakis.jpg)
Грчкиот премиер Киријакос Мицотакис предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да ни го свртам вниманието назад кон летото за кое се предвидува дека ќе биде особено опасно“, рече Микотакис, пренесува Катимерини.
Шумските пожари се вообичаени во Грција, а топлото, суво и ветровито време кое научниците го припишуваат на ефектите од климатските промени ја зголеми нивната фреквенција и интензитет.
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
![](https://makfax.com.mk/wp-content/uploads/2024/04/danka-ubijci.jpg)
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.