Регион
(Видео) Вучиќ објави дека снимката на која жестоко кашла е лажна вест
Откако американска лекарка стручњак за ебола сподели монтирана снимка од претседателот на Србија како се гуши од жестоко кашлање при прес-конференција, реагираше и самиот Вучиќ.
WATCH: The Serbian president coughs uncontrollably as a journalist asks him a question about #coronavirus.?#COVID19 #CoronavirusPandemic pic.twitter.com/s4VVbkf5Ud
— Dr. Dena Grayson (@DrDenaGrayson) March 12, 2020
Како што објасни тој, во медиумите се проширила снимка од конференцијата за медиуми, што се одржа во зградата на Претседателството, по состанокот за состојбата со коронавирусот во Србија.
Сепак, тоа е монтирана снимка која покажува како српскиот претседател се гуши од кашлање и во неколку наврати вади шамивче, иако во реалноста тој момент траел многу пократко и се случил додека тој одговарал на прашања од новинарите за коронавирусот.
За да го предочи во јавноста лошото влијание на лажните вести, српскиот претседател објави и оригинално видео од таа ситуација.
After noticing altered videos on social media, I want to remind everyone of the dangers of spreading fake information as the whole world deals with #COVID19. In times like these, ensuring factual information online is critical to everyone’s safety. @DrDenaGrayson pic.twitter.com/Y7fxyF9xse
— Александар Вучић (@predsednikrs) March 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.