Регион
(Видео) Вучиќ ја пречека Меркел со букет и топло добредојде на германски јазик

Германската канцеларка, Ангела Меркел, попладнево слета на аеродромот „Никола Тесла“ во Белград, при што беше пречекана од претседателот на Србија, Александар Вучиќ, а по поздравот, тој ѝ подари букет цвеќе.
Вучиќ на гостинската делегација ѝ посака топло добредојде на германски јазик.
View this post on Instagram
„Со почит, добредојдовте“, ѝ рече Вучиќ на Меркел, подавајќи ѝ го букетот.
Претходно, во пресрет на доаѓањето на Меркел во Белград, српскиот претседател најави дека на германски јазик ќе ја поздрави германската канцеларка и една од најмоќните жени во светот, бидејќи ѝ ветил дека ќе го научи јазикот.
Ова е вторпат Александар Вучиќ да ја пречека Меркел во Белград, претходниот пат беше во 2015 година во улога на премиер.
View this post on Instagram
Вучиќ се сретнал 16 пати со германската канцеларка од 2014 година, пренесуваат српските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.