Регион
(Видео) Два пожари беснеат во близина на Атина, ветрот ги разгоре, наредена е евакуација

Жителите на две области во близина на Атина добија наредба да се евакуираат додека десетици пожарникари се борат со пожарите поттикнати од високите температури и разгорени од силните ветрови.
Во близина на селото Варнаве, 35 километри северно од грчката престолнина, повеќе од 190 пожарникари се обидуваат да го локализираат пожарот, кој до доцна попладнето веќе зафатил куќи. На помош им пристигнале 40 противпожарни камиони, 11 канадери и пет хеликоптери.
Пожар избувна и во шумска област во близина на градот Мегара, западно од Атина. Поради двата пожари над делови од Атина се издигна густ кафеав чад.
Φωτιά στον Βαρνάβα Αττικής – Τεράστιες φλόγες
orangepress©📽️2:18 #φωτια #βαρναβα pic.twitter.com/D4yYawbSr4— antonis kelaidonis (@antonkelaidon) August 11, 2024
Неколку други региони низ Грција се во состојба на зголемена готовност за пожари во недела и понеделник.
Стотици шумски пожари избувнаа летово низ Грција, која штотуку ги забележа најтоплите јуни и јули досега, по најжешката зима. Како и на друго место во медитеранската област, научниците го поврзуваат сè пожешкото и суво време со климатските промени.
Костас Лагувардос, директор на одделот за истражување на Атинската опсерваторија, рече дека наредните денови ќе бидат критични.
Crazy fire in Athens !! Stay safe pic.twitter.com/sQ5U6P3U9q
— Jade Bauer (@jade__bauer) August 11, 2024
„Она што ја прави ситуацијата толку опасна е долготрајната суша и високите температури кои не стивнуваат предолго“, изјави научникот за државната телевизија ЕРТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин