Регион
(Видео) Десеттина повредени во Звечан во судирот со косовската полиција
Десетина лица се повредени во судирот меѓу вооружената косовска специјална полиција и насобраните граѓани во Звечан, каде што од утринава косовските Срби не му доволуваа на новозибраниот градоначалник-Албанец да влезе во општинската зграда. Како што јави дописникот на РТС, повредените се пренесени во болницата во Митровица.
„Во моментов ситуацијата е малку смирена, но е многу тензична и се заканува да ескалира,“ јавува дописникот на РТС.
Александар Арсенијевиќ од граѓанската иницијатива „Српски опстанок“ изјави дека мета на косовската полиција биле жените, но и него и дека директно му прскале солзавец во очите. Тој посочува дека во еден момент полицаец рекол на албански да не ги тепаат оние со камери.
„Бев дезориентиран, ме одвлекоа меѓу два автомобили, почнаа да ме тепаат“, изјави Арсенијевиќ.
Меѓу припадниците на косовската полиција кои денеска ја опколија зградата на општина Звечан, а потоа со помош на шок бомби, солзавец и насилство влегоа во општината, имало и такви кои на шлемовите имале ознаки КБС.
Да потсетиме, косовските безбедносни сили не смеат да одат на северот од Косово без претходно одобрение од командантот на КФОР. Имено, тоа е ставка од Бриселскиот договор од 2013 година.
Во Звечан се присутни и припадници на КФОР, но засега се држат настрана и не реагираат на настаните во градот.
Во моментов на улиците во Звечан има специјалци со пушки. Како што пренесуваат медиумите, на улиците може да се забележат запалени автомобили, но и други автомобили со косовски регистарски таблички.
#Breaking Video footage of a car on fire in Zvečan, Kosovo. Large Albanian police reinforcements came in recently – Balkan Independent#BreakingNews #Serbia #Kosova #Internationalleaks pic.twitter.com/63j8FDLayG
— The Notorious HbK (@The5HbK) May 26, 2023
Косовската полицијата претходно најави дека им помага на новите градоначалници на српските општини на северот од Косово – Звечан, Лепосавиќ и Зубин Поток – да пристапат до официјалните објекти на овие општини. Откако биле скршени вратите на општината, во зградата влегол градоначалникот на оваа општина Измир Зеќири.
Косовските власти ги обвинија српските „криминални и нелегални структури“ за ескалација на ситуацијата.
Serbia’s illegal and criminal structures in north Kosovo have received orders to escalate the situation on the ground.
“Peaceful” protesters who use hybrid and violent actions against law enforcement.
Violence won’t prevail. Serbia bears full responsibility for the escalation. pic.twitter.com/QS3AUiawqT
— Blerim Vela (@Blerim_Vela) May 26, 2023
„Насилството нема да надвладее. Србија сноси целосна одговорност за ескалацијата“, објави на Твитер Блерим Веља, шефот на кабинетот на претседателката на Косово, Вљосе Османи.
Косовската полиција употреби солзавец и при влегувањето во зградата на општина Зубин Поток за да ја растера толпата. На местото на настанот се и возила на итната помош.
Leposaviq, Kosovo. pic.twitter.com/pWUi83scob
— Pierre Davide Borrelli (@PierreDBorrelli) May 26, 2023
Во Лепосавиќ, според твитерџиите, се поставуваат барикади од купишта камења кои се истураат на патот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.