Градоначалникот на Белград, Александар Шапиќ, најави дека јавниот превоз во Белград ќе биде бесплатен за сите од 1 јануари 2025 година, пренесува „Н1 Србија“.

„Од 1 јануари 2025 година целиот јавен превоз во Белград ќе биде бесплатен. Тоа значи дека веќе никој нема да мора да плаќа билет. Нема веќе месечни, годишни или попуст-билети. Со оваа социјална мерка Белград станува единствениот град во Европа со повеќе од половина милион население, кој има бесплатен превоз“, рече Шапиќ на прес-конференција.

„До крајот на 2025 година на улиците нема да има автобус постар од две години, а дури и оние што се стари две или две и пол години ќе бидат само оние што ги купивме на крајот на 2022 година“, рече Шапиќ.

Тој додаде дека првиот од 25-те трамваи што ги купи Градот од турската компанија „Бозанкаја“ ќе почне да пристигнува следната година.

„И до крајот на 2027 година си поставивме задача да обезбедиме средства за сите тролејбуси, тоа се 100 тролејбуси и овие други 100 трамваи или 120 трамваи и да ги купиме. Ќе видиме дали ќе биде преку јавно-приватно партнерства, ама нешто ќе направиме.

„Треба да го обезбедиме она што е најважно – да добиеме нови возила што е можно побргу на најприфатлив начин“, рече тој.

Постојка за градски автобуси денеска утрото падна на булеварот Европа во Нови Сад, а нема повредени, јавуваат локални медиуми.

Како што објави локалниот портал „021“, повикувајќи фотографии од очевидци, целосно паднала постојката со натстрешникот на кружниот тек на раскрсницата булевар Европа.

FOTO Palo autobusko stajalište na Bulevaru Evrope: Ekspresno uklonjeni ostaci https://t.co/lnLPIsfnRg

— Radio 021 (@Radio021) December 18, 2024

На подот се гледаат големо количество стакло и други остатоци од натстрешникот, стои во написите.

Остатоците од постојката бргу беа отстранети, конструкцијата беше откорната од бетонот, а парчиња стакло беа расфрлени околу постојката.

Српскиот претседател Александар Вучиќ вчера ги повика своите сограѓани да ѝ се приклучат на војската на Србија, наведувајќи дека платите во армијата сега се особено високи, пренесува Телеграф.

Тој на владината седница рече дека е неопходно да се продолжи со носење војници бидејќи се обезбедени многу пари за да се мотивираат граѓаните со повисоки примања да се приклучат во тенковски единици, извидници и други единици каде има проблем со недостиг на луѓе.

Тој истакна дека постои проблем што момчињата се откажуваат бидејќи не смеат да користат мобилни телефони во периодот од 21 до 07 часот. „Едноставно живееме во такви времиња во кои сите сме разгалени, каде што никој не е навикнат на напорна работа“, изјави тој.

Тој особено им се заблагодари на припадниците на Безбедносно-информативната агенција (БИА), но и на припадниците на полицијата кои, како што нагласи, секојдневно трпат терор на секое место низ Србија.

„Им благодарам за трпението, професионализмот и сакам да побарам прошка во името на сите нас, што треба да трпите секакви гадости и напади од вадење визир, крадење опрема, најсериозни можни навреди, физички напади и се друго“, рече Вучиќ и ги замоли да продолжат да се однесуваат професионално, сериозно и одговорно.