Регион
(Видео) Захариева: Пендаровски ги кочи билатералните односи, им служи на интересите на Белград и Москва
![](https://makfax.com.mk/wp-content/uploads/2018/03/ekaterina-zaharieva-419920-810x0-212041-810x0-35orsjdxlab72bamgn4yrk.jpg)
Поранешната министерка за надворешни работи на Бугарија, Екатерина Захариева, остро го критикува предлогот на македонскиот претседател Стево Пендаровски да им се забрани влез на одредени граѓани на Бугарија и го обвини дека, како што наведе, „им служи на интересите на Србија и Русија на Балканот“.
„Претседателот Стево Пендаровски не ги штити интересите на својата татковина, туку служи на политиката на Србија и Русија на Балканот. Тој со своите изјави го кочи развојот на односите меѓу Софија и Скопје“, вели Захариева во интервју за „Бгнес“.
Таа зборуваше за бугарската позиција во врска со претепувањето на секретарот на бугарскиот клуб во Охрид, Христијан Пендиков, како и за изјавата на претседателот Пендаровски, во која, како што вели, тој си дозволува да упатува незаслужени и многу навредливи забелешки критикувајќи ја Бугарија.
„Бугарија мора да има многу дефинитивна и остра реакција на изјавата на претседателот на Република Македонија, Стево Пендаровски. За жал, ова не е првпат да дава остри изјави, кои не помагаат во развојот на билатералните односи“, категорична е Захариева.
Во таа насока таа денеска свика седница на Комисијата за надворешна политика, на која ќе биде сослушан и амбасадорот во Македонија, Ангел Ангелов.
„Многу е важно од него да се слушне од прва рака кој е начинот за нормализирање на односите, каква треба да биде бугарската реакција, да го слушнат и ставот на народните избраници и нашефот на дипломатијата“, рече Захариева.
Таа се согласува дека треба да се смират односите меѓу двете земји, но затоа, како што нагласи, пред сè, мора да соработуваат официјалните власти во Скопје. Захариева инсистира македонските власти да ги избришат списоците со имињата на македонските Бугари, кои ги содржат нивниот матичен број и адреси, а не да се преправаат дека не ги гледаат. „Списоците уште еднаш поминаа, треба да се избришат и да се претресат лицата што ги дистрибуираат“, рече претседателката на Комисијата за надворешни работи на Бугарија.
За сугестиите што Пендаровски ги даде во својот говор за прогласување на бугарските политичари за персона нон грата, Захариева рече:
„Силно се надевам дека македонската Влада нема да го почитува неговото барање бидејќи тоа многу повеќе ќе ги ескалира билатералните односи. Ова ќе им служи на оние бугарски политичари што не сакаат да ги пуштат на територијата на РСМ. Некои од нив исто така не помагаат за нормализирање на односите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Во Црна Гора два дена бојкот на трговските синџири. „Сложно, обединето, упорно“
![](https://makfax.com.mk/wp-content/uploads/2025/02/351dabcb-2224-4269-8026-3b31590d6e8b.jpg)
Во Црна Гора денеска почна дводневен бојкот на малопродажните синџири поради високите цени, на кој повика невладиното здружение „Алтернатива“.
„Се повикуваат жителите на Црна Гора денеска и утре да не пазарат во големите продавници, туку доколку мораат, да пазарат во мали продавници со најмногу десет вработени.
Секојдневно сме сведоци на невидени поскапувања на основните производи, додека сопствениците на големи синџири акумулираат профит на сметка на народот“.
Истото невладино здружение минатиот петок организира бојкот на продавниците во Црна Гора кога, според Даночната управа на Црна Гора, петте најголеми трговски синџири забележаа пад на прометот од 56,14 отсто.
Минатата недела повеќето жители на северниот дел на Црна Гора се одѕваа на повикот за бојкот на големите продавници, а одѕивот беше нешто помал во централниот и јужниот дел на Црна Гора.
Регион
Мицотакис од Санторини: Властите ја следат сеизмичката активност, граѓаните да останат мирни
![](https://makfax.com.mk/wp-content/uploads/2022/06/micotakis-x-epa.jpg)
Грчките власти се на готовност и ја следат зголемената сеизмичка активност на островот Санторини, изјави денеска грчкиот премиер Киријакос Мицотакис повикувајќи ги граѓаните да останат смирени и да ги следат упатствата на службата за цивилна заштита.
„Уште еднаш сакам да ги уверам жителите на Санторини и на соседните острови, кои деновиве се пред тест, дека државниот механизам е на нивна страна“, рече Мицотакис за време на неговата посета на островот додавајќи дека подготвеноста и превенцијата се клучни, пренесе „Ројтерс“.
Тој изрази надеж дека оваа појава бргу ќе заврши и дека островот целосно ќе се врати во својот нормален ритам.
Регион
Блажиќ осуден за масовното убиствo кај Младеновац се степал во затворот
![](https://makfax.com.mk/wp-content/uploads/2025/02/Screenshot-2025-02-07-102843-1.jpg)
Урош Блажиќ, осуден за масовно убиство во селата кај Младеновац, се судрил со уште еден притвореник со кој ја дели ќелијата во Окружниот затвор во Смедерево.
Од Управата за извршување кривични санкции за „Танјуг“ потврдија дека вчера Блажиќ и уште едно приведено лице имале кратка вербална и физичка пресметка во просторијата во која биле заедно сместени.
Службата за обезбедување веднаш интервенирала и двете лица ги привела на лекарски преглед, што е дел од редовната процедура, по што биле сместени во разни простории, што исто така е задолжителен дел од постапката.
За овој случај е известен и надлежниот суд и треба да донесе одлука за дисциплински мерки против овие приведени, велат од Управата за „Танјуг“.
Урош Блажиќ со првостепената пресуда е осуден на 20 години затвор бидејќи на 4 мај 2023 година во селата Мало Орашје и Дубона уби девет и рани 12 лица.