„Како претседател барам од обвинителството во Нови Сад, Владата на Србија, одговорните за тоа што се случи да бидат кривично гонети и строго казнети. Кога ја споменав Владата, барам и политичка и кривична одговорност“, изјави српскиот претседател Александар Вучиќ по несреќата во Нови Сад.

„Знам само дека 60 години не ја реновиравме таа настрешница, кога реновиравме сè, не ја реновиравме само, зошто – не знам, претпоставувам некој ќе ги даде одговорите“, додаде Вучиќ.

Тој рече и дека особено виновни се оние кои ја дизајнирале и извеле.

„Одговорни се оние чија должност била инфраструктурата, железницата, сообраќајната инфраструктура“, рече претседателот на Србија.

Вучиќ изјави дека настрешницата се срушила врз луѓето кои биле во близина и дека последните информации се дека загинале 14 лица.

„Сè уште немаме идентификувано пет од нив, осум се државјани на Србија, едно лице е од Северна Македонија. Во името на сите граѓани на Србија сакам да изразам сочувство до семејствата и вечерва е тешко да се зборува, тешко е да се каже нешто рационално. И во такви моменти мораме да најдеме сила да се обединиме, да им помогнеме на семејствата на жртвите и да направиме се што е во наша моќ да ја минимизираме штетата што е можно повеќе и да им помогнеме на луѓето“, рече тој.

Претседателот на Србија ги пофали спасувачите и рече дека успеале да ги покажат срцето и душата на луѓето во трагедијата.

„Цела Србија занеме во еден момент кога спасувачите успеале да извлечат млада жена, а лекарите веќе биле подготвени да и ја отсечат раката бидејќи била закопана со бетон, па успеале да ја извлечат со машини, кај спасувачите видов солзи радосници и тоа покажува колку беа големи“, истакна тој.

Медиумите потсетуваат дека четиринаесет лица загинаа при уривање на настрешница на железничката станица во Нови Сад.

Зоран Круљ, портпарол на итната помош во Нови Сад, изјави дека на еден млад човек му била ампутирана ногата.

„Во денешната трагедија на железничката станица во Нови Сад тешко се повредени 18-годишно момче и девојки на возраст од 21 и 23 години, а нивните животи се во опасност. На 18-годишен маж му е ампутирана ногата“, изјави Круљ.

Градоначалникот на Нови Сад, Милан Ѓуриќ изјави дека се повредени повеќе од 30 лица.

Инаку, под настрешницата имало клупи и на нив во моментот на падот имало голем број граѓани. Во сабота во цела Србија е прогласен ден на жалост, а во Нови Сад три дена.

Четиринаесет лица загинаа во уривањето на настрешницата на железничката станица во Нови Сад, изјави министерот за внатрешни работи Ивица Дачиќ, кој кажа и дека спасувачката акција се уште трае.

Шестгодишно дете е меѓу загинатите во уривањето на настрешницата во Нови Сад, изјави Дачиќ.

„Гагиќ, еден од шефовите на управата за вонредни ситуации, заплака кога виде дека е убиено и шестгодишно дете“, рече тој.

Под урнатините имало и девојка, која била извлечена по повеќе од четири часа. Нешто после 16 часот и 30 минути е извлечено уште едно лице. Градоначалникот на Нови Сад, Милан Ѓуриќ изјави дека се повредени повеќе од 30 лица. Инаку, под настрешницата имало клупи и на нив во моментот на падот имало голем број граѓани. Во сабота во цела Србија е прогласен ден на жалост, а во Нови Сад три дена.

Несреќата се случила денеска нешто пред 12 часот. Голем број амбулантни возила се на терен. Има багери и тешка механизација, кои се обидуваат да го расчистат паднатиот дел од настрешницата на зградата. На терен се и пожарникари, жандармерија.

Инаку според написите во тамошните медиуми, оваа зграда за прв пат била реновирана во периодот од 2021 до 2022 година, а по неколку месеци повторно започнало реновирањето на истата зграда. Официјално била отворена на 5 јули годинава.

Министерот за внатрешни работи Ивица Дачиќ соопшти дека загинале 12 лица, односно дека од урнатините на железничката станица во Нови Сад се извлечени 12 тела.

Дали тоа ќе биде конечниот исход останува да се види, додаде тој, велејќи дека постои сомневање дека под урнатините се уште две или три лица, изјави тој за РТС.

Тој претходно во изјава за ТВ Пинк рече дека од урнатините се извлечени 11 тела.

Три лица се спасени, тие се во болница.

„Меѓу другото, во последното обраќање зборувавме за тоа, сега беа спасени и овие две лица, две жени кои беа под урнатините со кои имавме контакт. Со помладиот имавме само гласовен контакт, но акцијата за спасување траеше неколку часа и тие две лица сега се во Ургентниот центар. Секако, можеби дошло до недоразбирање, бидејќи беше објавено дека се работи за девојче. Таа има повеќе од 20 години, веројатно погрешно ме разбрале, но тоа сепак е ирелевантно“, рече тој.

Тој рече дека, за жал, веројатно има уште тела под урнатините.

„За жал, веројатно има уште неколку луѓе. Јас лично можев да видам едно тело кое сè уште е под овие урнатини, до кое сега е практично невозможно да се дојде, а телото не дава знаци на живот, па мора да има повеќе, за оваа бројка да не биде конечна. 11 лица се мртви, тројца се спасени и сега се во болница. Потрагата по останатите е во тек.

„Овој број сигурно нема да биде конечен“, рече Дачиќ, додавајќи дека се трага по исчезнатите.