Регион
(Видео) Медицинските лица ги објавија деталите за човекот што се самозапали во Загреб: „Вакво нешто не сме имале со години“
![](https://makfax.com.mk/wp-content/uploads/2024/06/Screenshot-2024-06-11-122938.jpg)
Претставници на Клиниката за трауматологија на КБЦ „Сестрите на милосрдието“ во Загреб соопштија дека човекот што се самозапали пред хрватската влада е во животна опасност.
„И покрај брзата реакција на итните служби и покрај навремено спроведените итни мерки на интензивно лекување, животот на пациентот е во опасност поради природата и обемот на повредите. Го следиме неговиот развој, сместен е во делот за интензивно лекување на одделот за изгореници“, рече д-р Видовиќ.
„Тој има изгореници од четврти степен на речиси целото тело. Дури има и ендо-изгореници“, додаде Видовиќ.
„Прогнозата е лоша, но да му дадеме шанса на човекот да преживее. Ќе направиме сè што е можно денеска да го спасиме човекот“, рече д-р Видовиќ.
Станува збор за маж на 67 години.
„Често наидуваме на изгореници, но вакво нешто немаме со години“, изјави Видовиќ и ја пофали брзата реакција на итната помош.
Мажот моментно е без свест, интубиран и го згрижуваат тројца лекари.
„Тоа е во многу сериозна ситуација“, рече Давор Вагиќ, директор на КБЦ „Сестрите на милосрдието“.
„Им благодарам на колегите што беа тука и му помогнаа на одделот за изгореници“, изјави Вагиќ.
„Апсолутно беше направено сè за да му се помогне што е можно побргу“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.
Регион
Се појавија нови сведоци во случајот со Данка Илиќ
![](https://makfax.com.mk/wp-content/uploads/2024/03/danka-ilic-1.jpg)
Во случајот со Данка Илиќ се појавија тројца сведоци, кои ќе бидат сослушани на 5 јули, потврдија од Вишото јавно обвинителство во Заечар.
Тие ќе бидат сослушани во врска со истрагата против Дејан Д. и Срѓан Ј., осомничени за убиството на двегодишната Данка, јавува „Данас.рс“.
Неофицијално, еден од нив е државјанин на Бор, а другите двајца се жители од Брестовачка Бања.
Покрај Дејан Д. и Срѓан Ј., во овој случај за убиството на девојчето осомничен е и таткото на Дејан Д. поради сомнение дека му помогнал на синот да го премести телото на девојчето.
Регион
Се преврте рингишпил во БиХ: има повредени деца, родителите со голи раце ги извлекувале под вртелешката
![](https://makfax.com.mk/wp-content/uploads/2024/05/dopisnica-iz-banata-ringispil-ljuljaska-zabavni-luna-park.jpg)
Во парк во Добој синоќа околу 20 часот пукнала вртелешка, а во таа пригода биле повредени деца, пишува „Независне“. „Зум ТВ Добој“ јавува дека четири деца се повредени и дека родителите ги однеле на раце во блискиот Здравствен дом.
Екипите на итната помош пристигнале на терен за неколку минути по инцидентот со рингишпилот, но родителите веќе ги однеле децата. „Нова.рс“ јавува дека од итната помош во Добој велат дека ниту едно дете не е во животна опасност.
Покрај родителите, повредените деца од под рингишпилот ги извлекувале и полициските службеници. Тие, според написите, со раце ја кренале конструкцијата на рингишпилот извлекувајќи ги децата.
Тамошните медиуми јавуваат дека сцените биле потресни додека децата плачелел и ги повикувале своите родители.
Полицијата во Добој соопшти дека го уапсила Б. Ј., а се работи за лицето што управувало со вртелешката што се преврте во паркот кога беа повредени неколку малолетници.
Од СВ Добој соопштено е дека синоќа е лишено од слобода лицето Б. Ј. поради сомнение дека сторило кривично дело предизвикување јавна опасност.
Б. Ј. ќе биде предаден денеска во надлежност на Окружното јавно обвинителство Добој заедно со пријава за сторено кривично дело.
Истрагата, која ја води дежурниот обвинител на Окружното јавно обвинителство во Добој, ќе продолжи денеска во присуство на вештаци.
Полицијата соопшти дека две малолетни лица се задржани на лекување во болницата „Свети апостол Лука“ во Добој, а едно малолетно лице добило полесни повреди и е пуштено на домашно лекување.