Регион
(Видео) Момче ја скршило рампата на граничен премин со автомобил и набргу потоа загинало

Младиот Емин Дувњак од Босна и Херцеговина, кој утрово загина во трагичен инцидент на граничниот премин Каменско, најпрвин ја поминал контролата на тој премин, но подоцна побегнал кон Хрватска.
Имено, 22-годишниот доставил документи до граничната полиција. Тие побарале дополнителна проверка, но младиот човек ги оставил документите и побегнал во Хрватска, пренесуваат хрватските медиуми.
На видеото кое е споделено на социјалните мрежи се слушаат два удари, од кои едниот е звукот на пробивањето на рампата. Како што можете да видите на видеото, полицајците побегнале кога сфатиле дека возачот нема намера да запре.
„Ноќта меѓу петокот и саботата, околу 01:50 часот, на граничниот премин со лично возило се приближил маж, државјанин на Босна и Херцеговина, за кој полициските службеници при граничната контрола утврдиле дека не ги исполнува условите за влез во Хрватска. Полициските службеници му наредиле да го паркира возилото на излезната лента за да ја спроведе постапката за одбивање влез во Република Хрватска, по што мажот кој бил сам во возилото одбил да ја испочитува издадената наредба и со возилото побегнал од граница премин во правец на Република Хрватска“, го опишаа текот на настаните од сплитската полиција.
vozač Golfa je probio rampu na ulazu u Bosnu i Hercegovinu i bez zaustavljanja je nastavio kretanje. pic.twitter.com/hJCbtr7nh9
— hercegovina.info (@hercegovinainfo) December 14, 2024
Полициски службеници се обиделе да го сопрат, издале наредба за запирање на возилото, што возачот го игнорирал и продолжил да вози во правец на Триље, а потоа и на Ловриќ.
„Полициските службеници со возила го следеле на безбедно растојание и се обиделе да го спречат, така што возачот во еден момент се вратил на граничниот премин Каменски каде возејќи со голема брзина ја пробил рампата на граничниот премин и продолжил со возење кон граничниот премин на Босна и Херцеговина“, соопшти ПУ на Сплит-Далмација.
Момчето удрило во полициската блокада на делницата Томиславград – Присоје и починало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Деканката на филозофскиот факултет од Ниш нападната со нож, вечерва собир за поддршка

Вечерва во Ниш се случува собир за поддршка на нападнатата деканка Наталија Јовановиќ.
Студентите велат дека ова е втор напад врз деканката Наталија Јовановиќ, но и уште еден во низата напади врз оние кои сакаат на фер начин да дојдат до вистината.
„Никогаш не сме молчеле за насилството, ниту ќе поминеме со наведнати глави покрај него. Ги повикуваме сите граѓани кои се желни за правда да ни се придружат на овој митинг“, се вели во повикот.
Деканката на Филозофскиот факултет на Универзитетот во Ниш, Наталија Јовановиќ денеска беше повредена со нож за време на собир на студенти и други граѓани.
Таа беше пренесена во Ургентниот со исеченица на раката, а потоа пуштена на домашно лекување.
„Доживеав голем стрес, останува само да се распарчиме. Нема потреба вака да продолжат тензиите, а знаеме кој ги шири, обвинувам една личност, таа ми извади нож, а тоа е претседателот на оваа држава“, изјави Јовановиќ, пренесе Н1.
За нападот уапсена е 69 годишна жена, поради сомнение дека сторила кривично дело насилничко однесување на спортски настан или јавен собир.
Регион
Осомничена за убиство на мајка си била кандидат на последните избори во Хрватска

Полицијата ја сомничи Милена Крамер (62), членка на Работничкиот фронт и поранешна членка на Социјалдемократската партија, за убиство на сопствената мајка во Загреб.
Лицето осомничено од полицијата дека во саботата ја задавила сопствената мајка во Врбани, е член на политичката партија Работнички фронт и кандидат на таа партија на последните парламентарни избори. Претходно, таа била долгогодишен член на СДП и член на претседателството на Месниот комитет во Чрномерец.
Крамер е наставничка во едно од загрепските основни училишта, а на последните избори за хрватскиот Сабор беше на 6. место на листата на Работнички фронт за избор на пратеници во 1. изборна единица, но како и целата партија не го помина изборниот праг.
„Јас сум во шок. Не ми се верува“ рече Катарина Пеовиќ, првиот човек на Работничкиот фронт.
Полицијата во саботата попладнето соопшти дека во Заагреб, 62 годишна жена ја усмртила 84 годишната мајка.
Регион
Се огласи „Кроација ерлајнс“ за авинот кој се врати назад по полетувањето од Загреб

Авион од Загреб утрово полета за Франкфурт, но по 20 минути итно се врати назад. „Кроација ерлајнс“ објасни што се случило.
Авионот со турбопропектор „Даш 8 – К400“, кој лета веќе 17 години, по оваа кратка пауза повторно полетал за Франкфурт.
„Дневник.хр“ пренесува дека се работи за превентивно враќање и дека сето тоа се случило поради лажно укажување на технички дефект.
„За време на почетната фаза на редовен меѓународен лет на „Кроација ерлајнс“ од Загреб до Франкфурт, имаше индикации за технички дефект на авионот Даш 8-К400. Во согласност со пропишаните безбедносни процедури на компанијата и производителот на авиони, донесена е одлука за превентивно враќање на аеродромот во Загреб, каде што е сместен техничкиот центар на компанијата. Треба да се нагласи дека споменатиот настан не влијаеше на безбедноста на летовите, што е приоритет во работењето на хрватската национална авиокомпанија.
Откако експерти од техничкиот сектор на компанијата извршиле безбедносен преглед и утврдиле дека се работи за лажно укажување на дефект, леталото е вратено во редовен сообраќај, а патниците повторно полетале кон својата дестинација во 8 часот и 5 минути. „Кроација ерлајнс“ им се извинува на патниците на летот Загреб-Франкфурт за нарушувањето на планираното патување, објави „Кроација ерлајнс“, пренесува „Дневник.хр“.