Регион
(Видео) Мразот во Србија предизвика општ колапс, верижни судири и превртување возила на повеќе локации

Утрото во Србија беше одбележано со серија тешки сообраќајни несреќи, во кои неколку лица беа повредени, а главната причина за повеќето од овие судири беше мразот. Особено критично беше во Белград поради поголемиот обем на сообраќај, каде што на повеќе места имаше верижни судири.
Најпрвин се случи несреќа на обиколницата околу Белград, недалеку од Остружница, кога избувна огромен пожар на камион со кој се превезуваа автомобили. Пожарот ја зафатил приколката, причинета е голема материјална штета, а не се знае дали има повредени.
View this post on Instagram
Уште во мугрите имаше дури два верижни судира на новиот мост над Ада. Во првата сообраќајна несреќа учествувале три возила, а во втората автобус и два автомобила. Во оваа сообраќајна незгода се повредени дури четири лица.
View this post on Instagram
Еден од автомобилите по судирот завршил на покривот.
View this post on Instagram
Уште една сообраќајна несреќа се случила околу седум часот на мостот „Душановац“. Автобус бил удрен од автомобил одзади. Нема повредени. Автобусот се излизгал поради мразот на коловозот и потоа двете возила дошле во контакт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Регион
Вучиќ е во посета на Украина

Српскиот претседател Александар Вучиќ денес ќе ја посети Украина, што е прва посета на лидерот на земјата која одржува срдечни односи со Москва од почетокот на војната во февруари 2022 година, објави претседателството во соопштение.
„Претседателот на Република Србија ќе ја посети Украина еден ден во среда, 11 јуни, каде што ќе учествува на самитот Украина-Југоисточна Европа“, објави српското претседателство.
Српскиот шеф на државата не ја посетил Украина од почетокот на руската инвазија во февруари 2022 година.
Посетата доаѓа неколку дена откако Русија ги обвини српските компании за оружје дека се обидуваат да „забијат нож во грб“ на Москва со продажба на муниција на Украина.
Присуството на српска муниција во Украина никогаш не е јавно признато или целосно негирано. Неколку недели претходно, Александар Вучиќ, кој балансира помеѓу својот историски сојузник Русија и својата желба да се приклучи на Европската Унија, беше на Црвениот плоштад во Москва за да ја прослави 80-годишнината од поразот на нацистичка Германија.