Регион
(Видео) Напишал казна и „паднал“ на банкнота од 20 евра: Туристи од Турција снимиле полицаец како прима поткуп во Јабланица

Турски туристи на мотори снимиле сообраќаен полицаец во Јабланица во Босна и Херцеговина како зема поткуп од 20 евра користејќи ја камерата на кацигата.
Имено, на видеото се гледаат неколку туристи од Турција, кои се возеле на мотори кога ги запрел сообраќаен полицаец.
Уште на почетокот му објаснуваат дека не го знаат јазикот и се обиделе да комуницираат на англиски.
Полицаецот потоа се обидел да им објасни дека направиле прекршок додека возеле, а многу лошо зборувал англиски.
Во текот на разговорот, еден од двајцата туристи од паричникот извадил 20 евра и му ги подал на полицаецот.
Но, полицаецот продолжил да им објаснува како да ја платат казната што веќе ја напишал, но набргу потоа „попуштил“ и ги земал парите, а „заборавил“ на казната.
Туристите продолжиле на своите мотори „ослободени“ од казната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Грција ја зафати невидено невреме, уништени омилените туристички места

Страшното невреме што ја зафати Грција речиси инстантно ги уништи омилените места за одмор во таа земја. Некои од најубавите грчки острови се на удар на многу силно невреме, најтешко се погодени Миконос и Парос, а после невремето владее хаос.
Парос вчера попладне го зафати силен дожд кој за неверојатно краток временски период ги претвори улиците во реки. Водата носеше автомобили, влегуваше во домовите носејќи се пред себе.
Врнеше со часови, а спасувачите многу тешко интервенираа. Припадниците на противпожарната служба добиле стотици повици за помош.
Припадниците на Секторот за вонредни ситуации биле испратени на островот со хеликоптер, кој на крајот не можел ниту да слета поради ужасните временски услови. Во меѓувреме, граѓаните добија итна СМС порака да избегнат какво било движење бидејќи временските услови беа исклучително опасни. Во исто време беше донесена одлука во вторник да нема настава во училиштата.
Само неколку часа откако Парос беше зафатен од невремето, истата судбина го снајде и Миконос. Силен дожд, ветер и град го погодија островот создавајќи хаос. Патиштата и овде се претворија во реки кои носат автомобили, контејнери и се што се наоѓа на патот.
Во некои области нивото на водата беше високо повеќе од еден метар, оставајќи многу семејства заробени во своите домови, а спасувачите не можеа да дојдат до нив.
Метеоролозите велат дека вчера на Парос наврнало колку што врне дожд за еден месец, додека на Миконос наврнала количина колку за два месеци. За среќа, нема многу луѓе на островите, а се верува дека ситуацијата би била многу подраматична доколку ова се случеше за време на велигденските празници, кога сè е раздвижено од луѓе.
Метеорологот Јоргос Катрафилијас вели дека во тој случај и итна СМС порака до граѓаните би била недоволна да ги заштити.
„СМС не е доволна доколку луѓето не се обучени како да реагираат и да се справуваат со вакви екстремни ситуации“, вели метеорологот.
Регион
РТС најави дека ќе ги тужи Информер и Пинк

Радиотелевизијата на Србија (РТС) соопшти дека ќе покрене судска постапка против ТВ Пинк и ТВ Информер и одговорните лица на споменатите телевизии за неовластено емитување на емисијата „Око“.
Од РТС, продуцентот на емисијата „Око“, тврди дека има прекршување на Законот за авторско право и сродни права.
Предупредуваат дека никој од ТВ Пинк и ТВ Информер не се обратил на РТС со барање да ја емитува споменатата емисија во која гостувал српскиот претседател Александар Вучиќ.
Вучиќ минатиот четврток беше гостин во спорната емисија. Тој зборуваше за политичката ситуација во Србија и светот, четиримесечните студентски протести, безбедносните импликации од потерницата на Интерпол за лидерот на босанските Срби Милорад Додик…
Регион
(Видео) Додик се огласи по неколкудневен молк: Пристигнав во Москва

Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер соопшти дека пристигнал во Москва. „Пристигнав во Москва“, вели Додик во краткото видео објавено на социјалната мрежа Икс.
Откако ја помина минатата недела во Израел, од каде ненадејно замина во четвртокот кога беше прогласен за непожелен гостин на конференција посветена на борбата против антисемитизмот, Додик престојува на непозната локација. Тој сега посочи дека пристигнал во Русија, илустрирајќи го тоа со видео на кое се прикажани ѕидовите на Кремљ зад него.
➡️ Стигао сам у Москву. Сваки мој боравак овдjе почињем посјетом споменику Незнаном јунаку како бих одао пошту 28 милиона страдалих Руса у Другом свјетском рату.
➡️ Овдjе ћу бити поново 9. маја на позив предсједника Руске Федерације Владимира Путина на обиљежавању 80. гoдишњице… pic.twitter.com/CMd5jqYda8
— Милорад Додик (@MiloradDodik) March 31, 2025
Тој објасни дека прво им оддал почит на Русите кои загинаа во Втората светска војна, а потоа рече дека планира повторно да биде во Москва на 9 мај, кога таму ќе се одбележи годишнината од победата над фашизмот.