Регион
(Видео) Нов протест во Белград, се бара ослободување на уапсените демонстранти

Во Белград започна нов, деветти по ред протест на опозициските партии и активисти поради нерегуларности на изборите одржани на 17 декември. Демонстрантите се собраа пред седиштето на Републичката изборна комисија (РИК) во Белград, а вечерва за првпат протест се одржува и во Краљево.
#RIK #protest #Izbori2023 #studenti #borba #Beograd #IzbornaKrađa #ulica #caosvima@vojislavostojic pic.twitter.com/qPYhvDoO8N
— Jeremija (@savamalac) December 26, 2023
Коалицијата „Србија против насилството“ бара поништување на изборите, а организаторите истакнаа дека главното барање на денешниот протест е ослободување на демонстрантите кои беа уапсени претходните денови, од кои повеќето се студенти.
PODRŠKA UHAPŠENIMA!
IDEMO DO PALATE PRAVDE.#RIK #protest #Izbori2023 #studenti #borba #Beograd #IzbornaKrađa #ulica #caosvima@vojislavostojic pic.twitter.com/i1WV16ef5G— Jeremija (@savamalac) December 26, 2023
Зад протестот во Краљево стојат опозициските партии кои го поминаа цензусот: Здружението на староседелците, Локалниот фронт, Србија против насилството и коалицијата НАДА.
Изборните нерегуларности и нереагирањето на институциите на тврдењата на опозицијата беа причина потпретседателката на Партијата на слободата и правдата, Мариника Тепиќ, да започне штрајк со глад. Таа не јаде веќе деветти ден, а ја следеа и неколку пратеници од опозицијата кои бараат поништување на изборите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.