Регион
(Видео) Пожар на главната железничка станица во Софија: најмалку 4 лица загинаа,

Најмалку четири лица го загубија животот во пожар што рано утринава избувна во вагон на Главната железничка станица во Софија. Пожарот бил пријавен во 2 часот и 35 минути, поради што на лице место се испратени две противпожарни единици со вкупно 14 пожарникари, објави Новините.
Според директорот на софиската противпожарна служба, вишиот комесар Веселин Гетов, пожарот најверојатно настанал поради невнимание со отворен пламен во последниот вагон на возот.
„По гаснењето на пожарот, најдовме четири мртви лица во возот“, потврди тој.
Првичните сознанија укажуваат дека пожарот го предизвикале бездомници кои во текот на ноќта влегле во вагонот.
Очевидци од областа потврдуваат присуство на бездомници кои често ја користат станицата и нејзините возови за да се засолнат.
Пожарот избувнал во еден од вагоните на возот кој требало да оди кон Петрич во 7 часот и 30 минути.
Покрај загинатите, тешко повредени се и двајца мажи кои се пренесени во Универзитетската болница Пирогов.
Двајцата на возраст од 35 и 65 години се на одделението за токсикологија и се во критична состојба поради вдишување чад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црногорската војска го спаси Ивица Костелиќ од морето кај Улцињ

Црногорската војска синоќа од морето кај вливот на реката Бојана, кај Улцињ, извлекла двајца странски државјани, од кои едниот е хрватскиот скијач Ивица Костелиќ, потврдија за медиумите од црногорската влада.
Потврдено е дека Костелиќ и уште еден странски државјанин биле спасени „во сложени околности“ со употреба на патролни чамци за брза интервенција на Морнарицата на Војската на Црна Гора и хеликоптерска поддршка од воздух.
Според пишувањата на медиумите, Костелиќ и уште едно лице биле на кајак, но силен јужен ветер и бранови високи над три метри ги превртел и ги одвлекол од брегот.
Како што дознава „Вијести“, двајцата спасени се добро, но превентивно се предадени на екипа на Брза помош која ги чекала во пристаништето Бар, каде околу 22.45 часот пристигнал патролниот брод.
Регион
Вучиќ: Болшевички пленумци му нанесоа страшни повреди на полицаецот

Среде ноќ се огласи српскиот претседател Александар Вучиќ, а околу час и половина по инцидентот успеа да се фотографира со полицаец за кој тврди дека бил повреден од студенти и да го објави на својот Инстаграм. Човекот за кој српскиот претседател вели дека е полицаец кој бил нападнат од студенти и му нанеле „страшни повреди“, има модринка на окото, додека Вучиќ на фотографијата позира со лут израз.
Тој ги нарече студентите „болшевички пленумци“ и рече дека ќе одговараат за повредата на полицаецот.
„Лазар Башиќ, полицаец, беше нападнат од членовите на болшевичкиот пленум пред зградата на РТС. Тој се здоби со сериозни физички повреди. Ужасно. Насилниците мислат дека им е дозволено да прават се. Не им е. Тие ќе одговараат за секое насилство што го направиле. Толку за мирните демонстранти и, пред сè, оние загрозените. Ќе победи нормална Србија, ќе победи демократска Србија“, рече Вучиќ.
Регион
(Видео) Вучиќ си замина додека Дачиќ даваше изјава: „Ова не можам да го слушам“

Српскиот претседател Александар Вучиќ и министерот за внатрешни работи Ивица Дачиќ синоќа приредија своевидна драма додека даваа изјави откако го посетија полицаецот во болница за кој рекоа дека бил претепан пред Радио телевизија Србија.
Припадници на Жандармеријата физички се пресметаа со студенти на блокадата пред зградата на Радио и телевизија Србија, која студентите ја блокираа вчера вечер. Како што се гледа на снимката, полицајците со палки удираат студенти додека се обидувале да влезат во зградата на РТС.
Откако Вучиќ даде изјава за синоќешните случувања, се вмеша Дачиќ, кој рече дека „некои медиуми веќе почнале да шират лаги“ и дека „нема полициска интервенција“.
Вучиќ веднаш реагираше на зборовите на Дачиќ и го прекина. „Не можам… Не се лутете, но не можам повеќе да го слушам ова правдање. Ви благодарам многу“, рече Вучиќ, помина покрај Дачиќ пред камерите и си замина. На заминување му рече на Дачиќ: „Ајде правдај се“.