Регион
(Видео) Поплавени патишта и подруми на куќи во Хрватска, на терен пожарникари и волонтери

Во централниот дел на Хрватска се уште има големи проблеми поради дождот кој паѓаше неколку дена, на горниот тек на реката Купа во областа Карловац преземени се мерки за одбрана од поплави, додека најтешка е состојбата во градот на Озаљ, каде што биле затворени четири патишта, а водата навлегла во подрумите на куќите.
„ Водостојот на Купа во Карловац е 790 см и го надмина рекордното ниво од 1966 година, така што сите загрозени подрачја се заштитени, изјави генералниот директор на Хрватски води, Зоран Ѓуроковиќ.
Zagreb, Nazorova ulica ???? pic.twitter.com/cKCIhsZ0Bn
— deran (@deranpero) September 17, 2022
Во областа Озаљ се уште не е познат точниот број на објекти оштетени од поплавите, ниту пак размерите на материјалната штета, која допрва треба да се утврдува. Поплавени се и четири главни патишта, па пристапот до Озаљ е отежнат, а жителите велат дека не паметат ваква поплава, пренесуваат хрватските медиуми.
„ Дождот престана, но нивото на водата не опаѓа. На терен има 30 пожарникари, ни помагаат и волонтери. Сега ќе ни треба чамец затоа што само со него можеме да стигнеме до некои места“, рече шефот на противпожарната служба Марко Удиковиќ.
Итните служби се уште се на терен во бјеловарско-билогорската жупанија, каде невремето опустоши речиси половина од областа, а дождот ја отежнува рехабилитацијата. Метеорологот на ХРТ, Зоран Вакула изјави дека во наредните денови врнежите од дожд ќе изостанат или ќе бидат само ретки и во мали количини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.