Регион
(Видео) Ребиќ: Хулигани го блокираа преминот на Службата за итна помош во Белград

Директорот на полицијата денеска изјави дека по половина час од немирите, станало јасно во кој правец ќе се развива ситуацијата во Белград кога група хулигани го блокирала преминот на Службата за итна медицинска помош.
„Немам друг збор, освен – хулигани“, рече Владимир Ребиќ и истакна дека припадниците на полицијата до крајот се воздржувале да не применат сила.
Според него, сè почнало со непријавено собирање граѓани, а веќе за половина час се случил инцидент кој навестувал со каква намера се луѓето што се собрале.
„Група од 50 лица не дозволувале да помине итната помош, која превезуваше загрозен пациент. Подоцна околу 22.20 часот група од повеќе десетици насилници се туркаше со полицијата и влезе во холот на собранието“, рече Ребиќ на прес-конференција.
Според него, насилниците потоа се одлучиле на порадикални мерки – ја мавале полицијата со камања, шишиња и со сè што ќе им дошло при рака, со што ги загрозиле нивните животи.
„Дури тогаш почна примена на сила, фрлање солзавец и ангажирање коњичка единица“, рече Ребиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.