Регион
(Видео) Се насука траект со повеќе од 500 патници во Грција
Траект кој патувал меѓу грчкиот остров Крф и градот Игуменица, со 550 патници и 16 членови на екипажот, се насука денеска на северозападот на земјата, пренесуваат медиумите во регионот.
Траектот се насука ма четири наутички милји (седум километри) северозападно од Игуменица.
Крајбрежната стража и туристички брод се на терен, а на пат се и три реморкери и дополнителна поддршка, објави Катимерини.
Траектот „Агиа Теодора“ кој плови на релација Крф-Игуменица се насука во плитки води, но надлежните велат дека нема закана за безбедноста на патниците, според написите во медиумите.
Според последните информации во тој дел на Грција временските услови се мирни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Жителите на Долна Јабланица најавија протести и блокада на патот: стравуваат од повторување на катастрофата
Жителите на Долна Јабланица, најпогодениот град во неодамнешните поплави и свлечишта во северниот дел на БиХ, најавија блокада на главниот пат М-17 што го поврзува Сараево со Мостар поради бавна реконструкција, нови закани од лизгање на земјиштето и итна помош за семејствата кои останаа без покрив над главата.
Советот на месната заедница по средбата побара итна средба на мештаните со градоначалникот на Јабланица и другите надлежни органи со цел да го изразат своето незадоволство и загриженост за актуелната состојба.
Во Долна Јабланица загинаа 18 лица, а десетици семејни куќи беа уништени на почетокот на октомври во воден порој пропратен со огромни количества камења, песок и кал.
Најголем дел од наносот дошол од дивиот каменолом лоциран на ридот над самата населба. Локалните жители сега стравуваат дека слична катастрофа може да се повтори. Најавија дека ќе ги преземат сите неопходни мерки за исполнување на нивните барања, а најавуваат и блокирање на главниот пат М-17 доколку не добијат одговори до среда.
Тие бараат одговор од локалните власти за оценката за безбедноста на каменоломот, односно дали е можно да се преместат преостанатите камења во каменоломот и како да се санира. Долгата листа на барања вклучува и забрзување на обезбедувањето станови за луѓето погодени од неодамнешната природна катастрофа.
Незадоволство изрази и локалниот верски поглавар, имамот Семир Јахиќ, кој ги критикуваше властите во Јабланица бидејќи тамошната џамија не била исчистена. Нему му одговори градоначалникот на Јабланица, Дамир Шабановиќ, кој е член на СДП БиХ, а следната недела се кандидира за уште еден мандат на чело на општината. Тој изјави што направиле властите на Јабланица за санирање на последиците од поплавите и свлечиштата, а обвинувањата на имамот Јахиќ ги оцени како неточни измами.
Регион
Училиштата во Сараево веќе еден месец добиваат закани за бомби
Редовната настава во неколку средни училишта во реонот на Сараево денеска повторно мораше да биде прекината откога добија закани за бомби, со што се потврди дека претходната полициска истрага и многуте апсења на малолетници не го решиле овој проблем, кој интензивно трае веќе еден месец.
„Полицијата ги претресува училиштата, а за сѐ е информирано Обвинителството“, изјави Мерсиха Новалиќ, портпаролка на полицијата на Сараевската жупанија.
Ова е веќе четврта недела во која во училиштата во Сараево пристигнуваат закани за поставени бомби, па според утврдените процедури, наставниот процес мора веднаш да се прекине и специјализирани полициски екипи да излезат на терен за да извршат увид. Сите извештаи досега се покажаа како лажни, но наставниот процес е загрозен, а повеќето училишта во такви ситуации прибегнуваат кон онлајн-моделот на настава, кој се практикуваше за време на пандемијата.
Заканите за бомби до училиштата најчесто доаѓаат преку е-пошта од лажни адреси или други онлајн-платформи, а полициските истражители со недели трагаат по испраќачите, кои тешко може да се пронајдат.
Сепак, досега успеале да идентификуваат и приведат 12 такви лица. Само еден од нив бил полнолетен и имал 18 години, а сите други биле малолетни.
Регион
Тројца мажи се обиделе да ја запалат куќата на масовниот убиец од Србија
Полицијата во Младеновац уапсила тројца мажи, кои во саботата вечерта се обиделе да ја запалат куќата на семејството на Урош Блажиќ, масовен убиец во селата Мало Орашје и Дубона. Според порталот „Телеграф.рс“, тројца мажи со автомобил „фиат“ се упатиле до куќата на Блажиќ во Дубона и се обиделе да го запалат објектот. Но, пожарот зафатил само сува трева, а полицијата успеала да го изгасне пред доаѓањето на пожарникарите.
Осомничените биле бргу запрени и уапсени и приведени на распит.
Да потсетиме, крвавиот напад на Блажиќ во селата кај Младеновац се случи во мај 2023 година, само еден ден по пукањето во основното училиште „Владислав Рибникар“ во Белград. Блажиќ почна да убива во Мало Орашје, а потоа се упати кон Дубона. Полудениот напаѓач по масакрот побегнал, а потрагата по него траела до раните утрински часови кога бил пронајден на 50 километри во близина на Крагуевац.
Убил девет лица, а ранил 14.