Регион
(Видео) Сирени за тревога и собрани граѓани во српските општини на северот од Косово
Припадници на косовската полиција попладнево ги опколија зградите на општините во Зубин Поток, Звечан и Лепосавиќ, по што се вклучија сирените што жителите од тие области ги активираат за да алармираат на опасност.
Сирените за тревога се огласија и во Северна Митровица, а во Лепосавиќ нема сигнал за мобилен телефон, јавува „Косово онлајн“.
Повеќе десетици вооружени припадници на косовската специјална полиција со џипови пристигнале до зградите на локалната самоуправа во Лепосавиќ, Зубин Поток и Звечан. На влезовите во зградите се собрани и десетици Срби, вработени во привремените власти на тие општини.
Србите од тие градови, видно вознемирени од развојот на настаните, почнаа да се собираат околу општинските згради, а во непосредна близина се и припадници и џипови на КФОР и на ЕУЛЕКС.
Извори на РТС од Зубин Поток информираат дека специјалните сили имаат намера да го „закачат сино-жолтото знаме што ја симболизира државноста на Косово“ на општинската зграда, во која е сместено и Привремениот општински орган на Владата на Србија.
Нешто по 12:30 часот, во Зубин Поток се огласила и сирената за воздушен напад, поради што граѓаните почнале да се собираат во центарот на оваа општина.
View this post on Instagram
Сето ова се случува во време кога поголем дел од вработените во Привремените тела и другите институции се на пат за Белград, за да присуствуваат на состанокот свикан од претседателот на Србија.
Косовската полиција е присутна и пред општината во Звечан, но се уште не пријавила за што всушност се работи. Според изјави на присутните, таму има и две возила на ЕУЛЕКС.
Милија Бишевац, поранешeн советник во Собранието на општина Зубин Поток, од пред граѓанската иницијатива „За Зубин Поток“, потврди за Радио Слободна Европа дека граѓаните се собираат пред општинската зграда уверени дека „новоизбраниот градоначалник Измир Зеќири се обидува да влезе во зградата.“
„Тука има џипови и се верува дека тој (градоначалникот) е внатре и дека се обидува да влезе во општинската зграда“, рече Бишевац.
Бишевац потврди дека се вклучени сирените за опасност и дека на терен околу општинската зграда има припадници на косовската полиција и на ЕУЛЕКС.
„Народот е собран таму и ќе почекаме да видиме што ќе се случи“, додаде тој.
Од ЕУЛЕКС се уште не потврдуваат зошто се присутни во општината во Зубин Поток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.