Регион
(Видео) Специјалци и блиндирани возила на два премина на северот на Косово, Србите вознемирени

Блиндирани возила и специјални сили од утрово се распоредени на два административни премина на северот на Косово, јавуваат медиумите во регионот.
Игор Симиќ од Српската листа вели дека Србите од Косово се лути поради потегот на Приштина да испрати единици на РОСУ на административните премини Јариње и Брњак.
Тој во настап на еден од регионалните медиуми рече дека Србите од Косово се длабоко вознемирени затоа што Приштина испратила преку 20 возила, со специјални сили вооружени до заби. Според него, тие се лути и во моментов возат кон административните премини на Јариње и Брњак.
Според последните информации што ги пренесе Симиќ, во моментов има околу 300 српски возила во Јариње и повеќе од 100 на административниот премин Брњак.
„Двете сообраќајни ленти се блокирани, сообраќајот е блокиран“, рече тој и додаде дека утрово се одржале итни консултации со членовите на Српската листа.
„Ги повикуваме нашите граѓани да бидат воздржани и да не станат жртви на провокации, бидејќи ова е провокација на Приштина, претпоставуваме дека на Србите ќе им биде ограничена слободата на движење со одземање регистарски таблички од Србија“, рече Симиќ.
Тој посочува дека апелира за смиреност, но дека има се повеќе граѓани и дека тие се „лути“.
„Веќе има 300 српски возила на Јариње, а повеќе од 100 на Брњак“, додаде тој.
Српските граѓани велат дека дошле мирно да го искажат своето незадоволство од одлуката на Приштина да ги замени регистарските таблички и дека единиците на РОСУ први го блокирале патот и ги исплашиле граѓаните со пушките и долгите цевки по целиот пат до Митровица.
„Од РОСУ се бара да се растера. Во моментов има голема напнатост во Јариње“, објавија граѓаните.
Медиумите јавуваат дека косовската влада одлучила да воспостави реципроцитет со Србија во врска со регистарските таблички на возилата, а во документот потпишан од министерот за внатрешни работи, се наведува дека од сите оние со српски регистарски таблички се бара да добијат пробни косовски регистерски таблички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.