Регион
(Видео) Србија одбележува 20 години од падот на Слободан Милошевиќ
Во Србија денеска се одбележува дваесетгодишнината од падот на режимот на Слободан Милошевиќ и протестите на стотици илјади граѓани со кои се означи крајот на неговото владеење, проследено со војни, санкции, милионска инфлација и економско уништување на земјата, пренесуваат српските медиуми.
Годинава, во услови на пандемија на Ковид-19, годишнината од демократските промени во Србија ќе биде одбележана многу поскромно од порано, со трибини и дебати, а еден од најавените собири го закажаа новинарите и невладините организации во Ниш.
Протестите во центарот на Белград на 5 октомври 2000 година, на кои се собраа стотици илјади луѓе од цела Србија, следеа откако Републиканскиот изборен штаб одби да ја признае победата на кандидатот на Демократска опозиција на Србија (ДОС) Воислав Коштуница на изборите што се одржаа на 24 септември 2000 година.
Коалицијата ДОС се состоеше од 19 партии, а од Милошевиќ беше побарано да го признае поразот до 5 октомври, со смена на раководството на државната телевизија (РТС) и спроведување на објективна уредувачка политика наместо режимска пропаганда.
На улиците на Белград и пред тогашното Федерално собрание се собраа толпи кои доаѓаа од цела Србија со автобуси, автомобили, камиони, дури и со багери. Откако упаднаа во зградата на парламентот, која беше делумно запалена и уништена, демонстрантите ја окупираа и зградата на РТС.
Полицијата и нејзините специјални единици на крајот на денот застанаа на страната на демонстрантите, а за време на демонстрациите беа убиени две лица – еден демонстрант и еден полицаец, а 65 лица беа повредени.
На 6 октомври 2000 година Милошевиќ призна дека изгубил на изборите и му ја честиташе победата на Воислав Коштуница.
Многу српски граѓани веруваа дека ова е последен пораз на авторитарниот режим и дека се направени радикални демократски промени.
Сепак, по атентатот врз премиерот Зоран Ѓинѓиќ на 12 март 2003 година, демократската опозиција се распадна, Воислав Коштуница се повлече од политичката сцена поради изборниот пораз на неговата Демократска партија на Србија (ДСС).
Две децении подоцна, со Србија сега владеат соработници на Милошевиќ. Актуелниот српски претседател Александар Вучиќ беше министер за информации за време на владеењето на Слободан Милошевиќ.
Актуелниот министер за одбрана, Александар Вулин, беше член на Југословенската обединета левица (ЈУЛ) на Мирјана Марковиќ, сопруга на Милошевиќ.
Портпаролот на Социјалистичката партија на Србија (СПС) и близок соработник на Милошевиќ, Ивица Дачиќ, е сегашен министер за надворешни работи на Србија, претседател на СПС и коалициски партнер на Српската напредна партија на Вучиќ.
За време на владата на Зоран Ѓинѓиќ, Слободан Милошевиќ беше екстрадиран во судот во Хаг под обвинение за воени злосторства, а тој почина во затворската ќелија во Шевенинген во 2006 година, без да добие пресуда.
Демократската партија на Џинѓиќ, пак, се подели на неколку фракции и помали партии и ниту една нема претставници во сегашниот српски парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тензично во Подгорица: приведени осум лица поради напади врз Турци
Црногорската полиција објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Исто така, беше кажано дека полицијата ќе користи камери и беспилотни летала за снимање на јавни места со цел документирање кривични дела, а дека вчера во Подгорица се преземени 55 мерки против странци.
Според соопштението, полицијата го идентификувала и по наредба на државниот обвинител во Вишото државно обвинителство во Подгорица, го уапсила П. М. (35) од Подгорица.
Полицијата објави дека постои сомневање дека на 26 октомври, преку своите профили на социјалните мрежи „Инстаграм“ и „Фејсбук“, објавил заканувачка и навредлива порака упатена кон турските граѓани што живеат во Црна Гора, со која поттикнува омраза и нетрпеливост на национална и верска основа.
Geniş Özet: Karadağ’da “Türkü Öldür” sloganları
Karadağ’ın başkenti Podgorica’da geçtiğimiz hafta sonu yaşanan bıçaklama olayının ardından Türk vatandaşlara yönelik saldırılar gerçekleşti. 45 Türk vatandaşı gözaltına alınırken, 8 Türk vatandaşı da sınırdışı edildi. Karadağ… pic.twitter.com/9181ixW80j
— Selâmi Haktan (@slmhktn) October 28, 2025
Поради сомнение дека сториле кривично дело насилно однесување на штета на тројца турски државјани, по наредба на државниот обвинител во Основното државно обвинителство во Подгорица, уапсени се Б. С. (26), Ф. Ѓ. (25) и М. П. (31) од Подгорица.
„Се сомнева дека тие физички нападнале турски државјани во населбата Забјело удирајќи ги со тупаници, со нозе и користејќи палки, а кои на овој начин добиле телесни повреди. При претресот од нивното возило се пронајдени и одземени факли и фантомки“, се вели во соопштението на Полициската управа.
Додаваат дека Т. Б. (24), Б. Б. (22) и Ф. Ј. (18) се уапсени за сторен прекршок од член 7 од Законот за јавниот ред и мир на штета на турски државјанин. Тие се осомничени дека синоќа физички нападнале турски државјанин во населбата Забјело.
Полицијата соопшти дека службеници на Секторот за гранична полиција – инспектори за странци, презеле 55 мерки против странски државјани.
„За време на активностите спроведени на територијата на Подгорица, издадени се 30 прекршочни налози, две лица се насилно отстранети, две се протерани од земјата, а на тројца странски државјани им е откажан престојот“, посочи црногорската полиција.
Пред два дена во подгоричката населба Забјело дојде до физичка пресметка пред угостителски објект, во која едно лице од Подгорица, М. Ј., беше повредено со нож. Полицијата идентификува и приведе две лица – еден турски и еден азербејџански државјанин – поврзани со случајот.
По нападот, следуваа масовни полициски контроли и приведувања – околу 45 турски и азербејџански државјани беа задржани во рамките на проверка на престој и документи, што предизвика реакции и во Турција од страна на државниот врв.
Во вечерните часови некои од граѓаните на Подгорица излегоа на улиците, при што беа забележани ксенофобични скандирања, оштетување возила и дополнителни полициски интервенции.
Регион
(Видео) Се урна дел од таван на пазар во Загреб
Дел од таванот се урна во хала на пазарот „Долац“ во Загреб. Пред влезот има редица муштерии, но на вратата е истакнат предупредувачки знак, а работниците објаснуваат дека халата денес е затворена.
Според информациите на хрватските медиуми, таванот се урнал утрово во левиот дел од пазарот, а влезот е блокиран додека не заврши поправката.
Работниците велат дека штетата треба да се санира до утре.
Регион
Курти: Единствено решение се нови избори
Косовскиот премиер Албин Курти, изјави дека нема друга опција освен одржување нови парламентарни избори, откако неговиот предлог за нова влада не го доби потребното мнозинство во парламентот.
Неговиот предлог бил поддржан од 56 пратеници, а биле потребни најмалку 61.
„Пред секој договор што ја искривува волјата на граѓаните, ние избираме избори. Земјата нема друг пат ниту начин освен нови избори“, изјави Курти.
Тој рече дека Демократскиот сојуз на Косово (ДСK) и Социјалдемократската иницијатива (НИСМА) одбиле да бидат дел од владата што тој ја предлага, и додаде дека тоа ја оневозможило и изборната соработка за изборот на нов претседател на Косово во март идната година.

