Регион
(Видео) „Тој е разгалено, монструозно дете“ – крик на мајка ја прекина тишината на собирот пред училиштето во Белград
![](https://makfax.com.mk/wp-content/uploads/2023/05/majka.jpg)
Морничавата тишина пред училиштето, каде што се собра огромна маса народ да им оддаде почит на убиените ученици и чуварот Драган, ја прекина плачот на мајка чија ќерка била на списокот на 13-годишниот Коста.
Таа рече дека момчето убиец било сакано.
„Беше сакан. Имаше заљубени девојчиња во него. Тој е разгалено, монструозно дете. Мојата ќерка беше на неговиот список“, вика низ солзи расплаканата жена.
Таа смета дека треба да се симне транспарентот „Разговарајте со децата“, бидејќи со нив било разговарано, пишува Блиц.
„Го познавав дечкото, беше во мојата куќа. Не играше игри, не беше малтретиран, девојките беа заљубени во него, Не живеете во лаги“, низ солзи вели вознемирената жена.
„Воопшто не го жалам“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.