Регион
(Видео) Фамилијата на исчезнатата Данка се огласи за снимката од Австрија

Откако се појави видеото од девојче снимено во Виена, а во придружба на две жени, кое наликува на исчезнатата Данка Илиќ (2), за „Курир“ проговори нејзиниот дедо.
„Не знам ништо, додека не биде официјално објавено, не можам многу да кажам за тоа“, рече кратко, а на новинарското прашање дали знае за што точно се работи, како и дали имал го видел објавеното видео, рекол дека не го погледнал.
Снимката ја коментираше и вујкото на девојчето:
„Го видов видеото. Додека не се утврди дека е Данка 100 отсто, не ми е полесно… Видеото е премногу матно“, изјави за „Блиц“ Стефан Драгомировиќ, вујкото на исчезнатата Данка Илиќ за видеото од Виена на кое наводно се гледа девојчето од Бор.
Откако се појави видеото од Виена, од сите страни доаѓаат реакции. За семејството на исчезнатото девојче секако е трошка надеж дека детето е живо, но неизвесноста се уште е присутна.
„Да чекам вести ми е многу тешко“, вели Драгомировиќ.
Како што додава, не знае дали мајката на Данка Илиќ го видела видеото.
„Не знам дали го видела видеото или каде е “, додава тој.
Тој ги коментираше сличностите меѓу девојчето од видеото и неговото внуче.
„ Па, косата и одењето се слични“, додаде тој.
„Курир“ пишува дека семејството нема роднини во Виена.
Полицијата ги презела сите мерки за проверка на добиените информации. Исто така, се замолуваат сите кои живеат во Виена доколку ја видат Данка да пријават во полиција.
Данка има 2 години, кафеава коса и кафени очи, висока е околу 85 см.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин