Регион
(Видео) Јато орки нападнаа хрватски брод кај Гибралтар: одеднаш удираат и заминуваат

Јато китови убијци или орки нападнале хрватски брод во близина на Гибралтар, пренесува „Индекс.хр“.
Од бродот, кој моментно плови низ Гибралтарскиот Проток, во редакцијата на „Индекс“ се јавил Зоран Ереш од Институтот „Руѓер Бошковиќ“. Тој раскажал како бил нападнат бродот од орките и дека го има и снимено сето тоа.
„Се гледаат како доаѓаат од далеку. Имаше 3-4, можеби 5, тешко е да се каже. Капетанот веднаш ги запали двата мотора. Момент подоцна видов две големи орки, секоја под едното кормило (бродот е катамаран со два мотора и две кормила). Лесно стигнаа до кормилото, кое го пливаа 5-10 секунди. Потоа почнаа да го удираат со своите носови гледајќи ги нашите реакции“, раскажува тој.
„Тие нè следеа. Постојано се обидуваа да го погодат кормилото. Тоа што се обидуваме да маневрираме лево-десно не помага затоа што ние сè уште бевме интересни за нив. Се вртиме кон копното бидејќи меѓу морнарите постои верување дека орките сакаат мориња подлабоки од 20 метри“, раскажува Ереш.
„Првин ги гледате орките, кои доаѓаат од далечина. Тие се разликуваат од делфините по тоа што делфините многу побргу и попалаво скокаат во водата, а орките го прават тоа полека. Одеднаш тие се под тебе и почнуваат да удираат по трупот и кормилото на бродот. По некое време, губат интерес и продолжуваат понатаму“, вели Ереш.
Тој додава дека понекогаш орките веднаш се откажуваат, а понекогаш предизвикуваат штета на бродот бидејќи го уништуваат кормилото до неупотребливост, дури се случувало да навлезат во трупот, што ја активира официјалната спасувачка акција.
„Никој не знае зошто го прават тоа и како да го спречат. Дел од одговорот требаше да го даде оваа експедиција“, додава Ереш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин
Регион
Плинска боца експлодира во стан на српски туристи во Грција, има повредени

Пет туристи од Србија се повредени денес во експлозија на плинска боца во изнајмена соба во Аспровалта, во регионот на Солун, од кои еден доби тешки изгореници, објавува Катимерини.
Несреќата се случила денес околу 15:30 часот под сè уште неразјаснети околности.
Најтешко повреден е 41-годишен маж, кој се здобил со изгореници, додека другите се здобиле со повреди од скршено стакло, објавува Катимерини, додека Прототема објавува дека маж со изгореници од прв и втор степен и жена со изгореници од прв степен се пренесени во свесна состојба во Општата болница во Солун.
Полицијата го уапси 86-годишниот сопственик на куќата, а надлежните органи ги истражуваат причините за несреќата.