Регион
Во Белград се собираат поддржувачи на двете завојувани страни

На улиците на Белград се собираат поддржувачи на двете завојувани страни, и украинските групи и здруженија, како и проруските движења.
Годишнината од почетокот на руската агресија врз Украина стигна на улиците на главниот град на Србија, а собири и прошетки организираат поддржувачи на двете завојувани страни.
Неколку десетици проукраински активисти се обидоа на претставниците на руската амбасада во центарот на Белград да им предадат торта со череп и црвено слатко што личи на крв.
Бидејќи полицијата ги спречи во тоа, белградскиот адвокат Чедомир Стојковиќ од групата „Октобар“ постави торта на тротоарот во близина на амбасадата пред полицискиот кордон, а потоа заедно со уште неколку активисти го развиори украинското знаме.
„Ја донесовме оваа торта бидејќи ова е единствениот подарок што треба да им се даде. Тоа е она што се случува во Украина, последица на нивната политика и агресија, а тоа ќе станува сè повеќе и повеќе ако режимот во Москва не биде поразен“, рече Стојковиќ пред полицискиот кордон со уште десетина луѓе.
Меѓу другите, собирот го организираат Амбасадата на Украина и некои други невладини организации, како и проруските движења во Србија.
Војната во Украина почна на 24 февруари 2022 година со нападот на руските сили врз оваа источноевропска земја.
Србија не се приклучи на санкциите на Европската Унија против официјална Москва, но гласаше во Обединетите нации за резолуции за осуда на агресијата врз Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин
Регион
Плинска боца експлодира во стан на српски туристи во Грција, има повредени

Пет туристи од Србија се повредени денес во експлозија на плинска боца во изнајмена соба во Аспровалта, во регионот на Солун, од кои еден доби тешки изгореници, објавува Катимерини.
Несреќата се случила денес околу 15:30 часот под сè уште неразјаснети околности.
Најтешко повреден е 41-годишен маж, кој се здобил со изгореници, додека другите се здобиле со повреди од скршено стакло, објавува Катимерини, додека Прототема објавува дека маж со изгореници од прв и втор степен и жена со изгореници од прв степен се пренесени во свесна состојба во Општата болница во Солун.
Полицијата го уапси 86-годишниот сопственик на куќата, а надлежните органи ги истражуваат причините за несреќата.