Регион
Во Словенија има само девет активни случаи на коронавирус

Во Словенија во последните 24 часа се тестирани 828 лица и не се потврдени нови случаи на коронавирус, објави словенечката влада.
Исто така, не се регистрирани нови смртни случаи, така што бројот на починати е 109, а бројот на заразени лица од почетокот на епидемијата е сè уште 1.477.
Само пет лица сè уште се лекуваат во Универзитетскиот клинички центар (УКЦ) во Љубљана, но ниту еден пациент не е во посериозна состојба или на одделот за интензивна нега.
Според Институтот за јавно здравје, во државата има само девет активни случаи на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик се сретна со Нетанјаху

Претседателот на Република Српска, Милорад Додик денеска во Ерусалим се сретна со израелскиот премиер Бенјамин Нетанјаху.
Додик го поздрави и разговараше со израелскиот премиер Нетанјаху, кој е говорник на Меѓународната конференција за борба против антисемитизмот, на која присуствува и претседателот на Република Српска, пренесува РТРС.
Претходно на конференцијата Додик зборуваше за пораките за поддршка од Република Српска за Израел и рече дека високиот претставник за Босна и Херцеговина Кристијан Шмит се обидел да го спречи неговото доаѓање на конференцијата.
Регион
Вучиќ: Во понеделник ќе почнам со консултации за составот на новата влада

Претседателот Вучиќ вечерва најави дека во понеделник ќе ги започне консултациите за составот на новата влада.
„Ќе видиме што ќе кажат тие што го имаат мнозинството, дали сакаат да формираат влада или сакаат да одат на избори. Чекам прво да ми кажат претставниците на мнозинството, тие што имаат гласови да изберат нова влада, дали ја сакаат таа влада или сакаат да истече времето и да одат на избори. Значи, има две опции“, рече тој.
Тој посочи дека штом му кажат дека обезбедиле мнозинство за мандатарот, негова уставна обврска е да им даде мандат.
Штом ќе ме убеди опозицијата дека имаат 126 гласа, јас ќе им дадам мандат. Значи, тие доаѓаат кај мене, велат имаме 126 гласа за таа влада, во тој момент добивате мандат“, рече Вучиќ.
Регион
Три земјотреси за еден час: се тресеше во Грција

Три земјотреси, од кои најсилниот со јачина од 3,4 степени според Рихтеровата скала, денеска ја погодија Патра, на западот на Грција, јавува „Катимерини“.
Сите три земјотреси се случиле за речиси еден час, а епицентарот бил на околу пет километри од општината Еримонтос.
Според податоците на Геодинамичкиот институт на Националната опсерваторија во Атина, првиот земјотрес се случил во 12.21 часот со измерени 2,9 степена според Рихтеровата скала.
Вториот земјотрес се случи во 13.11 часот со јачина од 3,4 степени според Рихтеровата скала, а третиот земјотрес е регистриран во 13.14 часот и беше со јачина од 3,1 степени според Рихтеровата скала.