Регион
Во Хрватска од денес се продолжува времетраењето на ковид-потврдите, ќе важат една година

Од денеска во Хрватска се продолжува времетраењето на сертификатите за вакцинација против Ковид-19 на 365 дена.
Новото времетраење на сертификатите важи за сите нови сертификати, како и за претходно издадените. Граѓаните што веќе ги добиле своите сертификати нема да мора да бараат повторно издавање бидејќи времетраењето на нивните постојни автоматски ќе се продолжи.
Граѓаните може да го проверат времетраењето на своите сертификати со зачувување на сертификатот во дигиталниот паричник на мобилната апликација „Ковид го“, а во случај на патување во други земји, секако е неопходно да се проверат локалните правила што се во сила.
Во согласност со прифатената ревизија на документот од Мрежата за е-здравје на Европската комисија од 29 септември 2021 година е овозможено издавање дигитални сертификати за Ковид-19 и за вакцини што немаат централно одобрување во ЕУ.
Со новото времетраење сѐ уште се во сила претходно издадените правила за вакцини што се централно одобрени во ЕУ.
Така, сертификатот за вакцинација може да им се даде на луѓе што биле вакцинирани со двете дози од една вакцина, луѓе што биле вакцинирани со две дози од различни вакцини – на пример, едно лице ја примило првата доза на „Астра зенека“, а втората на „Фајзер“ – и лица што биле вакцинирани со вакцина што се прима во една доза.
Потврда може да побараат и лица што се вакцинирани со една доза вакцина што се прима во две дози, а кои имаат позитивен ПЦР-тест 180 дена од денот на приемот на вакцината. Тие може да побараат потврда од денот на вакцинацијата и таа ќе им важи 365 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.