Регион
Вулин по обидот за атентат врз Трамп: „Нека се подготви Вучиќ“
![](https://makfax.com.mk/wp-content/uploads/2023/07/vulin-vucic.jpg)
Потпретседателот на српската влада, Александар Вулин, по обидот за атентат врз Доналд Трамп, ги повика властите да ги зголемат безбедносните мерки за претседателот Александар Вучиќ и неговото семејство. „Со медиумски притисок се обидуваат да ги натераат да се откажат од државната заштита и да бидат уште полесни цели“, рече Вулин зборувајќи за Вучиќ и неговото семејство.
Тој потсети дека во последните неколку месеци се и обидот за атентат врз словачкиот премиер Роберт Фицо и смртта на иранскиот претседател Ебрахим Раиси во авионска несреќа. Вулин смета дека не случајно се работи за луѓе што се залагале „за поинаков свет и мир во Украина“, пренесува „Нова.рс“.
„Нека се подготви Вучиќ и секој што има храброст да се бори за слобода. Обидот за убиство на поранешниот претседател Трамп е израз на дозволена и поттикната омраза, истата омраза што се поттикнува и слободно се изразува кон Вучиќ и Србија“, предупреди тој.
Дачиќ: Нешто слично се спроведува и во Србија
Вулин не беше единствениот претставник на српските власти што го спореди Вучиќ со Трамп. Вицепремиерот и министер за полиција, Ивица Дачиќ, изјави дека обидот за атентат врз Трамп е „тажен и трагичен доказ за последиците од кампањата на омраза, закани и дехуманизација на еден човек“.
„Нешто слично се спроведува и во Србија преку напади врз претседателот на Република Србија, Александар Вучиќ, и неговото семејство“, додаде тој.
Претседателката на Собранието на Србија, Ана Брнабиќ, апелира до „елитата во Србија и нивните независни медиуми“, за кои тврди дека се сè само не независни, да разберат „кои може да бидат вистинските последици од омразата што секојдневно ја промовираат“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Одекна експлозија во Сараево
![](https://makfax.com.mk/wp-content/uploads/2019/04/100-2.jpg)
Во местото Илијаш, недалеку од Сараево, во текот на ноќта имало пожар, на кој, според сведоштвата на мештаните, му претходела експлозија.
Според досегашните информации, нема повредени во пожарот кој избувнал околу полноќ, пренесува Klix.ba.
Министерството за внатрешни работи на кантонот Сараево соопшти дека пожарот во просториите на Илијаш бил брзо локализиран по пристигнувањето на пожарникарите.
Наведено е дека истрагата ќе се врши во текот на денот за да се утврдат околностите на настанот.
Според изјавите на мештаните, на пожарот му претходела експлозија, а потоа снемала струја во целиот град, пренесува Klix.ba.
Регион
Земјотрес со јачина од 4,2 степени во близина на Родос
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 4,2 степени според Рихтеровата скала се случи рано утринава во близина на грчкиот остров Родос.
Епицентарот на земјотресот се наоѓал на 26 километри југозападно од Катавија, а длабочината на фокусната точка е проценета на 28,8 километри, соопшти Геодинамичкиот институт.
Засега не е пријавена штета, пренесува Прототема.
Регион
БГНЕС: Бугарски новинари се вратени од граничниот премин кај Делчево
![](https://makfax.com.mk/wp-content/uploads/2024/08/1-23.jpg)
Граничната полиција на Северна Македонија денеска не и дозволи на екипата на Агенцијата БГНЕС Антон Станков и Велислав Илиев да влезе на територијата на државата, велат од оваа агенција.
– По повеќекратно враќање-назад кон зградата на граничниот премин Делчево /Станке Лисичково од бугарска страна , дежурниот полицаец одбил да дозволи влез на екипата со образложение дека „нема дозвола од надлежното министерство во Скопје. Од почетокот на годината, истиот тим во повеќе наврати ја посетува РСМ без посебни акредитации или други видови дозволи. По долга „проверка“, засрамените гранични полицајци на граничниот премин Делчево ѝ објасниле на екипата на БГНЕС дека „најпрво треба да поднесе барање до Министерството за надворешни работи на Бугарија, кое по проценка треба да се обрати до македонскиот Министерството , кое потоа ќе одлучи дали ќе ни даде акредитација. На европскиот континент слични практики за попречување на работата на новинарите постојат само на територијата на Белорусија, се вели во соопштението на БГНЕС.