Регион
Вучиќ: Жалам што хрватската делегација се повлече поради Шешељ

Претседателот на Србија, Александар Вучиќ, по денешниот потег на Воислав Шешељ рече дека сето она што се случило е многу штетно за Србија.
„Како претседател на Србија го осудувам секој вид насилство, закана, газење, палење на хрватското знаме и кое било знаме. Тоа се работи кои не се допустливи. Никогаш нема да дозволиме некој да ги загрози нашите гости. Се поставува прашањето зошто си го дозволивме ова самите на себе? Немам одговор“, изјави Вучиќ за РТС.
Тој изрази жалење што делегацијата одлучила да ја напушти Србија по провокациите.
„Го гореа знамето додека престојував во Хрватска, ме навредуваа, ме нарекуваа четник, но не заминав. Жалам за одлуката на Пленовиќ да го повлече претседателот на хрватскиот Сабор, Гордан Јадронковиќ. Што направивме лошо, дали лошо го пречекавме Јандроковиќ? Не“, додаде Вучиќ.
Тој потсети дека Шешељ правеше нереди за време на ланското обраќање на Федерика Могерини во српскиот парламент, но таа тогаш, како што рече, не само што не ја напушти Србија, туку дента не го напушти ни парламентот и говореше во невозможни услови.
Хрватската делегација попладнево ја напушти Србија, откако лидерот на радикалната партија, Воислав Шешељ, го газеше хрватското знаме, по што ги начека претставниците на делегацијата во Собранието и им упати низа пцости. Потегот на Шешељ го осудија сите високи функционери од Србија и Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.