Регион
Вучиќ за инцидентот во Белград: Демонстрантите го кршат законот, но јас не сакам сцени како во Париз
Српскиот претседател, Александар Вучиќ, денеска изјави дека членовите на протестот „1 од 5 милиони“ кои синоќа насилно ја срушиле безбедносната ограда пред зградата на Претседателството, знаат дека го прекршиле законот, додавајќи дека ќе побара од обезбедувањето во иднина да ја отстрани оградата.
Тој порача дека очекува учесниците на протестите во иднина да не упаѓаат во зградата.
„Правете што ќе посакате, само не го кршете законот и немојте насилно. Ги повикувам сите луѓе, како од полицијата, така и од воената полиција и моето непосредно обезбедување, да им дозволат да ми пријдат, но не дозволувајте да предизвикаат крвопролевање и инциденти. Мора да го задржиме мирот во земјата, јас не сакам сцени како во Париз“, рече српскиот претседател.
Синоќа во Белград се одржа 36. по ред протест на граѓаните „1 од 5 милиони“, на кој на крајот од протестот, пред Претседателството кое е официјално седиште на Александар Вучиќ дојде до инцидент, кога тричлена делегација се обиде да ја тргне оградата пред објектот за да го достави списокот со барања на демонстрантите.
Притоа дојде до туркање на демонстрантите со многубројното обезбедување во цивилна облека, кое го спречи тргањето на оградата, па еден од демонстрантите заврши во Ургентен центар.
Еден од организаторите на протестите, Срѓан Марковиќ, рече дека со обезбедувањето бил постигнат договор да се овозможи делегацијата да го остави списокот со барања за фер избори.
Меѓутоа, откако биле спречени во таквата намера, демонстрантите се обидле да ја отстранат оградата околу зградата на Претседателството.
Во исто време, дошло до реакција од страна на обезбедувањето и започнало меѓусебно туркање.
Марковиќ успеал да прескокне преку оградата и со списокот на барања во рацете се обидел да дотрча до влезот на зградата, но неколку членови на обезбедувањето го фатиле и со употреба на физичка сила го вратиле на другата страна од оградата.
На делегацијата на демонстрантие набрзо потоа и било дозволено да стигне до зградата на Претседателството и да го достави списокот со барања, документ во кој се содржани 42 точки кои претставуваат црвена линија без чија имплементација до 1 септември, нема да има избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.